اۋعانستان ازاماتتىق اۆياتسيياسىنىڭ ٶكٸلٸ "ەل-جازيرا" تەلەارناسىنا كابۋل ەۋەجايى جۇمىسى قايتا باستالاتىنىن ايتتى.
"3 قىركٷيەكتە ٸشكٸ رەيستەر باستالادى, حالىقارالىق رەيستەر كەيٸنٸرەك شىعادى" دەدٸ ول.
اۋعانستاندا ەلۋگە جۋىق ەۋەجاي بار. ەڭ ەۋەلٸ قانداعار, مازاري-شاريف جەنە جالالاباد قالالارىنىڭ ەۋەجايلارى ٸسكە كٸرٸسەدٸ دەگەن بولجام بار.
ەۋەجاي جۇمىسىن تەزٸرەك قالپىنا كەلتٸرۋ ٷشٸن كاتار 1 قىركٷيەكتە تەحنيكالىق قىزمەتكەرلەرٸن ۇشاقپەن جٸبەرگەن. دوحا امەريكا ەسكەرٸ كەتكەننەن كەيٸن كابۋل ەۋەجايىنىڭ جابىلعانى ستراتەگييالىق جەنە گۋمانيتارلىق پروبلەمالار تۋعىزۋى مٷمكٸن دەپ سانايدى.
وسى ۇستانىمداعى تٷركييا دا "تاليبانعا" تەحنيكالىق كٶمەك بەرگٸسٸ كەلەدٸ. ونىڭ ٷستٸنە ەكٸ ەل دە قاۋٸپسٸزدٸكتٸ قامتاماسىز ەتۋ مەسەلەسٸنٸڭ بٸر شەتٸن مويىندارىنا العالى وتىر. قازٸر ەۋە كومپانييالارىنىڭ بەرٸ اۋعانستاننىڭ ەۋە كەڭٸستٸگٸن اينالىپ ٶتٸپ جاتىر.
ەۋەجايدىڭ اشىلعانىن گەرمانييا, نيدەرلاند, ۇلىبريتانييا سەكٸلدٸ ەۋروپا ەلدەرٸ دە قالايدى. ۇلىبريتانييانىڭ سىرتقى ٸستەر مينيسترٸ دومينيك رااب ٶز ەلٸ سەۋٸر ايىنان بەرٸ 17 مىڭعا جۋىق ازاماتى مەن اۋعانداردى ەۆاكۋاتسييالاعانىن جەنە اۋعانستاندا قاۋٸپ استىندا قالعاندارعا پانا بەرۋگە دايىن ەكەنٸن مەلٸمدەدٸ.
كابۋل ەۋەجايىنىڭ اشىلعانىن اۋعاندارعا گۋمانيتارلىق كٶمەك بەرگٸسٸ كەلەتٸن بۇۇ دا كٷتٸپ وتىر. پەنتاگون ەۆاكۋاتسييا اياقتالاردا ەسكەري ماقساتتا قولدانۋعا بولاتىن تەحنيكالاردىڭ بەرٸن جارامسىز قىلىپ تاستاعانىن, بٸراق ٶرت سٶندٸرۋشٸ مەشينەلەر مەن جٷك تيەگٸش تەحنيكالارعا تيٸسپەگەنٸن مەلٸمدەگەن. ولاردى ەۋەجاي جۇمىسىنا پايدالانۋعا بولادى.
ەۋە رەيستەرٸنەن ٶزگە اقشا اۋدارىمدارى دا جاندانادى: Western Union كومپانيياسى اۋعانستانداعى قىزمەتٸن قايتا قوساتىنىن, 3-17 قىركٷيەك ارالىعىندا كوميسسييا الۋدان باس تارتاتىنىن حابارلادى.
دٷنيەجٷزٸلٸك بانك شەتەلدەردە جۇمىس ٸستەيتٸن اۋعان ازاماتتارى ٶتكەن جىلى ٶز ەلٸنە ٷلكەن كٶلەمدە اقشا اۋدارعانىن, بۇل اقشانىڭ اۋعان ەكونوميكاسىندا ماڭىزدى رٶل اتقاراتىنىن ايتقان.
15 تامىزدا تەلٸپتەر كابۋلدى الىپ, اۋعانستانعا باقىلاۋ ورناتقانىن جارييالاعان. اقش پەن ونىڭ وداقتاستارى ٶز ەلٸنٸڭ ازاماتتارى مەن تەلٸپتەر قۋعىن-سٷرگٸنٸنەن سەسكەنگەن اۋعان ازاماتتارىن ەۆاكۋاتسييالاعان. ەۆاكۋاتسييالانعانداردىڭ جالپى سانى 120 مىڭعا جەتكەن.
30 تامىزدا اقش ەسكەرٸ اۋعانستانننان تولىعىمەن شىعىپ كەتتٸ. امەريكا ەسكەرٸ اۋعانستاندا 20 جىلعا جۋىق تۇردى. 2001 جىلى 11 قىركٷيەكتەگٸ تەراكتٸنٸ "ەل-قايدا" تەررور ۇيىمى موينىنا العانى, ونىڭ جەتەكشٸسٸ ۋساما بەن لادەننٸڭ اۋعانستانعا جاسىرىنعانى بەلگٸلٸ بولعاننان كەيٸن اقش اۋعانستانعا ەسكەر كٸرگٸزگەن. اۋعانستاندا اقش-قا "ەل-قايدادان" ٶزگە "تاليبان" قوزعالىسى دا كٶپ جىل قارسىلىق كٶرسەتكەن.
