الماتىداعى ەل-فارابي داڭعىلىندا ٷش ادامنىڭ ٶمٸرٸن قيعان جول اپاتىنا قاتىستى قوزعالعان قىلمىستىق ٸستەردٸڭ بٸرٸ توقتاتىلدى, دەپ حابارلايدى ult.kz.
ەڭگٸمە اپاتقا كٸنەلٸ دەپ تانىلعان Zeekr جٷرگٸزۋشٸسٸمەن بٸرگە بولعان تٶرت ادامنىڭ ٷستٸنەن قوزعالعان ٸس تۋرالى بولىپ وتىر. ولار كٷدٸكتٸنٸڭ الكوگول ٸشپەگەنٸن ايتىپ, تەرگەۋ بارىسىندا جالعان كۋەلٸك بەردٸ دەگەن كٷدٸككە ٸلٸنگەن.
مارقۇمداردىڭ تۋىستارىنىڭ مٷددەسٸن قورعاعان زاڭگەر مەيٸرمان شەكەەۆتٸڭ ايتۋىنشا, اتالعان تۇلعالار باستاپقىدا جٷرگٸزۋشٸنٸڭ ماس بولماعانىن مەلٸمدەگەن. الايدا كەيٸن مەديتسينالىق ساراپتاما ونىڭ الكوگولدٸك ماساڭ كٷيدە بولعانىن راستاعاندىقتان, بۇل دەرەك بويىنشا قىلمىستىق كودەكستٸڭ 420-بابى ("كٶرٸنەۋ جالعان ايعاق بەرۋ") نەگٸزٸندە جەكە قىلمىستىق ٸس تٸركەلگەن.
دەگەنمەن ٸشكٸ ٸستەر مينيسترلٸگٸ جٷرگٸزگەن تەرگەۋ نەتيجەسٸندە كٷدٸكتٸلەردٸڭ ەرەكەتٸنەن قىلمىستىق قۇقىقبۇزۋشىلىق قۇرامى انىقتالماعان.
"قىلمىستىق ٸس بويىنشا ٶندٸرٸس قىلمىستىق قۇقىقبۇزۋشىلىق قۇرامىنىڭ بولماۋىنا بايلانىستى توقتاتىلدى", – دەپ حابارلادى ۆەدومستۆو.
سونىمەن قاتار قابىلدانعان شەشٸمنٸڭ زاڭدىلىعىن پروكۋراتۋرا تەكسەرەتٸنٸ بەلگٸلٸ بولدى.
ەسكە سالساق, 21 ناۋرىزعا قاراعان تٷنٸ ەل-فارابي داڭعىلى مەن مەڭدٸقۇلوۆ كٶشەسٸنٸڭ قيىلىسىندا Zeekr 001 جەنە Mercedes-Benz كٶلٸكتەرٸ سوقتىعىسقان. اپات سالدارىنان Mercedes جٷرگٸزۋشٸسٸ مەن ەكٸ جولاۋشى قىز وقيعا ورنىندا قازا تاپتى.
تەرگەۋ دەرەكتەرٸنە سەيكەس, Zeekr جٷرگٸزۋشٸسٸ اپات كەزٸندە الكوگولدٸك ماساڭ كٷيدە بولعان جەنە سوقتىعىسار الدىنداعى جىلدامدىعى ساعاتىنا 219 شاقىرىمعا جەتكەن.
قازٸر نەگٸزگٸ ٸس بويىنشا جٷرگٸزۋشٸ قىلمىستىق كودەكستٸڭ 345-1-بابى 4-بٶلٸگٸ بويىنشا سوت الدىندا جاۋاپ بەرٸپ جاتىر. اتالعان باپ 7 جىلدان 10 جىلعا دەيٸن باس بوستاندىعىنان ايىرۋ جازاسىن كٶزدەيدٸ.
