باتىس قازاقستان وبلىسىندا قازاقستان حالىق جازۋشىلارى, اقىندار, مەملەكەتتٸك سىيلىقتىڭ لاۋرەاتتارى جۇبان مولداعاليەۆتٸڭ 100, قادىر مىرزا ەليدٸڭ 85 جىلدىعىنا ارنالعان مەرەيتويلىق شارالار ٶتۋدە, دەپ حابارلايدى "ۇلت اقپارات".
جۇبان اقىننىڭ عاسىرلىق مەرەيتويى تۋعان جەرٸ - اقجايىق اۋدانىندا باستالدى.
الدىمەن مەيماندار سايقۇدىق اۋىلىنداعى اقىن اتىنداعى مەكتەپكە بەت تٷزەدٸ. سودان كەيٸن جۇبان اۋىلىنداعى تالاپ ورتا مەكتەبٸندە اقىن سىنىبى اشىلدى.
نەگٸزگٸ شارالار اۋدان ورتالىعى - چاپاەۆ اۋىلىندا ٶتتٸ.
وسىندا جۇبان ورتالىعىنىڭ اشىلۋ رەسٸمٸنە قاتىسقان بقو ەكٸمٸنٸڭ بٸرٸنشٸ ورىنباسارى مۇحتار مانكەەۆ ەلٸ باردا, ازاماتىن قٷرمەتتەيتٸن حالقى باردا جۇبان اقىننىڭ مەڭگٸ جاسايتىنىن جەتكٸزدٸ.
«ەسٸمٸ التى الاشتان اسىپ, «مەن - قازاقپىن!» دەپ بارشا ەلەمگە جار سالعان اقىننىڭ ەسٸمٸ ۇمىتىلماق ەمەس. اكادەميك زەينوللا قابدولوۆ: «جۇبان - قازاق پوەزيياسىنداعى, ەدەبيەتٸمٸزدەگٸ ٸرٸ قۇبىلىس. ول - ورالدىڭ عانا ەمەس, قازاقتىڭ جۇبانى» دەگەن بولاتىن. جۇبان ەلٸ اقىن مۇراسىن ٷلگٸ ەتٸپ, كەلەر عاسىرلارعا دا جالعايتىنى انىق», دەدٸ م.مانكەەۆ.
الماتىدان ارنايى كەلگەن اقىننىڭ جارى سوفييا مەلٸكقىزى جۇبان ەلٸنە شىنايى ريزاشىلىعىن جەتكٸزدٸ.
«مەن 1947 جىلى وسى ەلگە كەلٸن بولىپ تٷستٸم. قالانىڭ قىزى بولسام دا, اۋىلدىڭ بارلىق شارۋاسىن ٸستەدٸم. مەن كٶپ باتا العان اداممىن. وسى كٷنگە دە جەتٸپ وتىرعانىم - سونىڭ ارقاسى دەپ ويلايمىن», دەدٸ ول.
«بٸز جۇبان اعانىڭ كٶزٸن كٶرٸپ, سٶزٸن ەستٸگەن ۇرپاقپىز. قىران قاباقتى, بەيتەرەكتەي بويىمەن, ساڭقىلداعان داۋسىمەن ٶلەڭ وقىعان سەتٸ, ٶزٸنٸڭ سۇسىمەن, مىسىمەن باسىپ تۇراتىن اقىن كەلبەتٸ ەلٸ كٶز الدىمىزدا. ول كٸسٸ قازاقستان جازۋشىلار وداعىن باسقارىپ تۇرعان كەزدە مەنٸ مٷشەلٸككە قابىلداعانى ەسٸمنەن كەتپەيدٸ. جۇباعاڭ بۇرىنعى وداق دٷركٸرەپ تۇرعان دەۋٸردە راسۋل گامزاتوۆ, داۆيد كۋگۋلتينوۆ, ەدۋارداس مەجەلايتيس, مۇستاي كەرٸم سيياقتى ۇلى اقىندارمەن تەرەزەسٸ تەڭ, قاتار جٷرگەن ەڭ بەتكە ۇستار اقىندارىمىزدىڭ بٸرەگەيٸ بولدى. بٸزدٸڭ ۇسىنىسىمىزبەن جۇبان مولداعاليەۆتٸڭ 100 جىلدىعى حالىقارالىق تٷركسوي ۇيىمىنىڭ بيىلعى «تٷركٸ مەدەنيەتٸنٸڭ كٷنتٸزبەسٸنە» دە ەنگٸزٸلٸپ, كەڭٸنەن اتالىپ ٶتٸلەتٸن بولدى. وسىدان ون جىل بۇرىن اۋدان ورتالىعىندا ەڭسەلٸ ەسكەرتكٸشٸ بوي كٶتەرسە, بٷگٸن جۇبان ورتالىعى اشىلىپ وتىر. مۇندا كەلگەن ادام ەدەبيەت ەلەمٸنە ەنگەندەي بولادى. ديزاينى ەدەمٸ, بيٸك تالعاممەن جاسالعان. جۇبان سۋرەتتەرٸ دە ايرىقشا كٶز تارتىپ تۇر», دەدٸ مەرەيتويعا ارنايى كەلگەن اقىن, مەملەكەتتٸك سىيلىقتىڭ لاۋرەاتى, قازاقستان جازۋشىلار وداعىنىڭ باسقارما تٶراعاسى ۇلىقبەك ەسلەۋلەت.
اقىن, مەملەكەتتٸك سىيلىقتىڭ لاۋرەاتى, قازاقستان جازۋشىلار وداعى بقو فيليالىنىڭ تٶرايىمى اقۇشتاپ باقتىگەرەەۆا 21 جاسىندا قازاقپىن دەپ ٶلەڭ جازىپ, سول رۋحتى كەۋدەسٸندە ٶشٸرمەي, 43 جاسىندا ٶلمەس پوەماعا اينالدىرعان اقىن رۋحىنىڭ مەڭگٸ ٶشپەيتٸنٸن ايتىپ, جۇبان ورتالىعىن سالۋعا ٷلەس قوسقان كەسٸپكەر ازاماتتارعا العىسىن جەتكٸزدٸ.
كومپوزيتور, جازۋشى, قازاقستاننىڭ ەڭبەك سٸڭٸرگەن قايراتكەرٸ يليا جاقانوۆ اقىنمەن شىعارماشىلىق بايلانىستا بولعاندىعى جٶنٸندە ەستەلٸگٸمەن بٶلٸسٸپ, اتىراۋلىق سۋرەتشٸ قامبار امانوۆ سالعان «ەدٸل-جايىق» تۋعان كٷن» اتتى كارتينانى جۇبان ورتالىعىنا سىيعا تارتتى.
قادىر اقىننىڭ 85 جىلدىق مەرەيتويى تۋعان جەرٸ - سىرىم اۋدانىندا باستالدى.
قوس اقىنعا ارنالعان شارالار بٷگٸن ورال قالاسىندا جالعاسادى.
