قازاقستاندىق اقىن ەرٸ ەنشٸ ماقپال جۇماباي ۇلىبريتانييا استاناسى لوندوندا جەكە كونتسەرتٸن ٶتكٸزبەك. الداعى 18 قىركٷيەككە جوسپارلانعان شىعارماشىلىق كەشٸ تۋرالى ەنشٸنٸڭ ٶزٸ ايتىپ بەردٸ, دەپ حابارلايدى قازاقپارات تٸلشٸسٸ.
«بۇل جوباعا دايىندالعانىما تۋرا بٸر جىل بولدى. جۋىردا 15 ادام لوندونعا اتتانعالى وتىرمىز. زاماناۋي قازاق ٶنەرٸ ٷشٸن تەۋەكەلگە بەل بايلادىق. بٸرشاما ۋاقىت بۇرىن بٸلٸمٸم مەن تەجٸريبەمدٸ زاماناۋي ٶنەرٸمٸزدٸ دامىتۋ جولىنا ارنايتىنىمدى, سول جولدا ناقتى ٸستەر باستاعانىمدى جارييالاعان ەدٸم. بۇل لوندون ساپارى – سول ناقتى ٸسٸمنٸڭ, تەۋەكەلٸمنٸڭ بٸرٸ. 18 قىركٷيەك لوندونداعى برۋنەل كەڭٸستٸگٸندە (مۋزەيٸندە) اUA كونتسەپتۋالدى كونتسەرتٸم ٶتەدٸ. كونتسەرتتٸ يندۋستريالدىق رەۆوليۋتسييانىڭ تۇلعالارى مارك جەنە يزامبارد برۋنەلدەر 1842 جىلى سالعان وسى تاريحي عيماراتتا ٶتكٸزگٸم كەلدٸ», - دەدٸ ەنشٸ م. جۇماباي.
مۋزىكانتتىڭ ايتۋىنشا, كونتسەرتتە ايتىلاتىن بارلىق جىرلار كەسٸبي دەڭگەيدە اعىلشىن تٸلٸنە اۋدارىلعان.
«كونتسەرتپەن قاتار, لوندوندا «Maqpalsher» اتتى انيماتسييالىق قىسقا مەترلٸ فيلمٸمٸزدٸ كٶرسەتەمٸز. كەشتە ايتىلاتىن بارلىق جىرلاردى كەسٸبي اۋدارماشى اعىلشىن تٸلٸنە اۋداردى. اۋدارما كٶرسەتٸلەدٸ ەرٸ قوناقتارعا كٸتاپشا رەتٸندە تارتۋ ەتٸلەدٸ. كٷنٸ كەشە عانا ۇيىمداستىرۋ جۇمىستارىنىڭ بارلىق كەزەڭٸنە نٷكتە قويدىق», - دەدٸ ول.
اقىن اعىلشىن ەلٸندەگٸ ٶز شىعارماشىلىق كەشٸن قازاق ٶنەرٸنٸڭ شەتەلگە شىعۋى, تانىلۋى دەپ سانايدى.
«ەرينە, لوندوندا كونتسەرت بەرۋ ەلەمدٸك جاڭاشىلدىق ەمەس, دەگەنمەن مەن ٷشٸن, مەنٸڭ شىعارماشىلىعىم ٷشٸن ماڭىزدى. ەن كەشٸمدە بارلىعى 12 اۆتورلىق جىر ورىندالادى. جىرلارىم ارقىلى اعىلشىن تىڭدارماندارىنا قازاق حالقىنىڭ دٷنيەتانىمى مەن ادامنىڭ ٸشكٸ سەزٸمٸن جەتكٸزگٸم كەلەدٸ. مەنٸڭ شىعارمالارىمدا ٶمٸر, ادامي قۇندىلىقتار مەن ەلەنە بەرمەيتٸن نەزٸك سەزٸمدەر باياندالادى. بٸر جاعىنان بٸز ٷشٸن سىن بولايىن دەپ تۇر, سەبەبٸ بٸزدٸكٸ ستاندارتتى ەمەس, جاڭا مۋزىكالىق باعىت. تاعى بٸر ايتىپ ٶتەتٸن جايت, كونتسەرت - كوممەرتسييالىق ەمەس, مەدەنيەتكە, ٶنەرگە ارنالعان جوبا, سوندىقتان ول تەگٸن ٶتەدٸ», - دەيدٸ ٶنەر يەسٸ.
ەنشٸ مەلٸم ەتكەندەي, كونتسەرت جاندى داۋىستا ٶتەدٸ جەنە وعان شامامەن 120-150 كٶرەرمەن كەلەدٸ دەپ كٷتٸلۋدە.
