قر مەدەنيەت جەنە سپورت مينيسترٸ اقتوتى رايىمقۇلوۆا مەدەنيەت قىزمەتكەرلەرٸ باسپانامەن قالاي قامتىلاتىندىعىن ايتتى, دەپ حابارلايدى قازاقپارات.
«قىزمەتكەرلەردٸڭ تۇرعىن ٷي جاعدايلارىن جاقسارتۋ ماقساتىندا 2020 جىلعى 23 قازاندا قر مەدەنيەت جەنە سپورت مينيسترلٸگٸ مەن «قازاقستاندىق يپوتەكالىق كومپانيياسى» يپوتەكالىق ۇيىمى» اق اراسىندا 2020-2025 جىلدارعا ارنالعان «نۇرلى جەر» تۇرعىن ٷي-كوممۋنالدىق دامىتۋ مەملەكەتتٸك باعدارلاماسىنىڭ قاتىسۋشىلارى ٷشٸن ساتىپ الۋ قۇقىعىمەن جالعا بەرٸلەتٸن تۇرعىن ٷي ساتىپ الۋ تۋرالى كەلٸسٸمگە قول قويىلدى. مەملەكەتتٸك باعدارلاما اياسىندا مينيسترلٸكتٸڭ مەملەكەتتٸك قىزمەتشٸلەرٸنە نۇر-سۇلتان قالاسىنان 20 پەتەر بٶلٸندٸ», - دەدٸ مينيستر قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييانىڭ وتىرىسىندا.
ونىڭ دەرەگٸنشە, الماتى قالاسىندا مەدەنيەت جەنە سپورت مينيسترلٸگٸنە ۆەدومستۆولىق باعىنىستى ۇيىمداردىڭ قىزمەتكەرلەرٸنە 16 پەتەر جەنە نۇر-سۇلتان قالاسىنا 47 پەتەر بٶلٸندٸ. اقتٶبە وبلىسىندا جاستار مەن مەدەنيەت, ٶنەر, ارحيۆ مەكەمەلەرٸ قىزمەتكەرلەرٸن ەلەۋمەتتٸك قولداۋ ماقساتىندا 14 قىزمەتتٸك جەنە 25 جالعا بەرٸلەتٸن پەتەر بەرٸلدٸ. ونىڭ ٸشٸندە تەاتر, كٸتاپحانا, مۋزەي سالاسىنىڭ 13 جاس مامانى جالعا بەرٸلەتٸن پەتەرلەرمەن قامتاماسىز ەتٸلدٸ.
«سونىمەن قاتار, مەدەنيەت جەنە سپورت مينيسترلٸگٸنٸڭ قولداۋىمەن مەدەنيەت, ارحيۆتەر جەنە قۇجاتتاما باسقارماسىنىڭ 38 مامانىنىڭ قيك باعدارلاماسى بويىنشا ساتىپ الۋ قۇقىعىمەن 1 بٶلمەلٸ جالعا بەرٸلەتٸن پەتەرلەرگە قول جەتكٸزۋ مەسەلەسٸ قاراستىرىلۋدا», - دەدٸ اقتوتى رايىمقۇلوۆا.
