ەلٸمٸزدەگٸ 1 970 مەكتەپتە سپورت زالى جوق. بۇل تۋرالى قر مەدەنيەت جەنە سپورت مينيسترٸ اقتوتى رايىمقۇلوۆا مەلٸم ەتتٸ, دەپ حابارلايدى "ۇلت اقپارات".
«ٶڭٸرلەر ۇسىنعان ستاتيستيكالىق مەلٸمەتتەرگە سەيكەس, مەكتەپ وقۋشىلارىنىڭ ٸشٸندە 1 ملن 365 مىڭ بالا دەنە شىنىقتىرۋ جەنە سپورتپەن شۇعىلدانادى. بٸلٸم جەنە عىلىم مينيسترلٸگٸنٸڭ دەرەكتەرٸ بويىنشا 2019 جىلى 5 428 مەكتەپ سپورت زالىمەن قامتاماسىز ەتٸلگەن. بۇل رەتتە الماتى مەن نۇر-سۇلتان قالالارىندا, سونداي-اق اتىراۋ, قىزىلوردا, ماڭعىستاۋ وبلىستارىندا مەكتەپتەردٸ سپورت زالدارمەن قامتاماسىز ەتۋدٸڭ ەڭ جوعارى دەڭگەيٸ بايقالادى. ٸس جٷزٸندە مەكتەپتەردٸڭ 37 پايىزى وقۋ باعدارلارمالارى اياسىندا قاجەت سپورتتىق قۇرال-جابدىقتارعا دەگەن تاپشىلىقتى سەزٸنۋدە», - دەدٸ ا. رايىمقۇلوۆا پارلامەنت مەجٸلٸسٸندەگٸ ٷكٸمەت ساعاتىندا.
ونىڭ سٶزٸنە قاراعاندا, 1 970 مەكتەپتە سپورت زالى جوق. سونىمەن قاتار, اۋىلداعى سپورت ساۋىقتىرۋ كەشەندەرٸنٸڭ جەلٸسٸ اۋىل تۇرعىندارىنىڭ تەك 30 پايىزىن عانا قاناعاتتاندىرادى.
«بۇل جاعداي سپورت سەكتسييالارىنىڭ جۇمىسى مەن جاستاردىڭ سپورت كلۋبتارىن قۇرۋدى بۇلاي تۇرسىن, دەنە شىنىقتىرۋ پەنٸ بويىنشا مٸندەتتٸ ساباقتاردى تولىق ٶتكٸزۋگە مٷمكٸندٸك بەرمەيدٸ. سوندىقتان دا بٷگٸنگٸ تاڭدا مەكتەن تىس سپورتتىق ٸس-شارالاردى كەڭەتۋ, قوسىمشا بٸلٸم بەرۋ مۇعالٸمدەرٸن تارتۋ, مەكتەپتٸڭ سپورت كٷنتٸزبەسٸن قالىپتاستىرۋ بويىنشا ەلٸ دە جۇمىستار جٷرگٸزۋ قاجەت ەكەنٸن اتاپ ٶتكٸم كەلەدٸ», - دەدٸ اقتوتى رايىمقۇلوۆا.
بۇدان بۇرىن حابارلانعانداي, 2019 جىلدىڭ قورىتىندىسى بويىنشا ەلٸمٸزدە دەنە شىنىقتىرۋ جەنە سپورتپەن جٷيەلٸ تٷردە شۇعىلداناتىندار سانى 5,7 ملن ادامعا جەتكەن. بۇل جالپى حالىقتىڭ 30,6 پايىزى.
