اقتٶبەدە ٸرٸ بازارلار مەن مەيرامحانا يەلەرٸ وبلىستىق تاۋارلار جەنە كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسىمەن كەزدەستٸ, دەپ حابارلايدى "ۇلت اقپارات".
وبلىستىق كەسٸپكەرلەر پالاتاسى بيزنەس يەلەرٸن جيناپ, وبلىستىق تاۋارلار جەنە كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆامەن كەزدەستٸردٸ. ونلاين كەزدەسۋگە قوسىلعاندار دا بولدى.
«اقتٶبەدە 278 ادام كوروناۆيرۋس ينفەكتسيياسىنا شالدىعىپ, 206 ادام ەمدەلٸپ شىقتى. مەن كەسٸپكەرلەرگە العىس ايتامىن. سەبەبٸ بەرٸ ۋاقتىلى مەيرامحانا, دەمحانا, بازارلاردى جاۋىپ, تٶتەنشە جاعداي تالابىن ساقتادى. ال 22 مامىر كٷنٸ ەلٸمٸزدٸڭ باس سانيتار دەرٸگەرٸنٸڭ قاۋلىسى قايتا شىقتى. سوندا انىق جازىلعان. ٶسٸم 7 پايىزدان اسپاۋى تيٸس. قازٸر وبلىس ەكٸمدٸگٸندەگٸ شتاب كەلٸسٸمٸمەن بٸرنەشە بازار جۇمىس ٸستەپ تۇر. بەرٸ ازىق-تٷلٸك ساتادى. ٶزگەسٸنە رۇقسات بەرٸلمەدٸ. بٷگٸندە مونيتورينگ توبى بازارلاردى ارالاپ جٷر. ولاردىڭ ورتاق شەشٸمٸنەن سوڭ, دايىندىق اكتٸسٸ بەرٸلسە, سانيتارلىق ەرەجە قاتاڭ ساقتالسا, ٸرٸ بازارلار اشىلۋى مٷمكٸن», - دەدٸ نۇرسۇلۋ بەركٸمباەۆا.
وبلىستا بۇعان دەيٸن دەمحانالاردىڭ جۇمىسىنا رۇقسات بەرٸلگەن بولاتىن. تەك كەلۋشٸلەر قاتارى 30-دان اسپاۋى تيٸس.
«مەيرامحانالار دا 30 ادامعا عانا قىزمەت كٶرسەتە الادى. تٸپتٸ 200 ادامعا ارنالعان مەيرامحانا بولسا دا ادام سانى شەكتەلەدٸ. ٶزگەسٸنە جول جوق. دەمالىس ورنىنىڭ جۇمىسى 20:00-دە اياقتالۋى تيٸس. وسى اپتادا باقىلاپ, شەشٸمدٸ قوسىمشا حابارلايمىز. كەسٸپكەرلەر تٷسٸنۋٸ تيٸس. كوروناۆيرۋس بار, كەز كەلگەن ۇساق-تٷيەك قاۋٸپسٸزدٸك ەرەجەسٸن ساقتاماساق قيىن بولادى. جىل سوڭىنا دەيٸن شىدامدىلىقپەن كٷتەمٸز. مەديتسينالىق ماسكا كيٸپ, اراقاشىقتىقتى ساقتايىق. ٶكٸنٸشكە قاراي, سوڭعى دەرەكتەر اۋىزاشاردا تٸركەلدٸ. تۋما-تۋىس, بٷتٸن وتباسى تٸركەلدٸ. اتا-ەجەسٸ, اتا-اناسى, بالاسى... تاماقتانۋ ورىندارىندا 30 ادامعا رۇقسات بەرٸلگەننٸڭ ٶزٸندە وتباسىلىق مەرەكەنٸ ۇيىمداستىرۋدىڭ قاجەتٸ جوق», - دەدٸ ن.بەركٸمباەۆا.
ەسكە سالساق, اقتٶبەدە سوڭعى ەكٸ اپتادا كارانتين رەجيمٸ جەڭٸلدەمەدٸ.
