اقتٶبەدە تۇراقتاندىرۋ قورىنداعى كارتوپتىڭ ساپاسى سىنعا ۇشىراپ, وبلىس ەكٸمٸ وڭداسىن ورازالين جۋرناليستەرمەن كەزدەسۋدە ٶز ويىن ايتتى, دەپ حابارلايدى قازاقپارات.
اقتٶبە وبلىسىندا بيىل تۇراقتاندىرۋ قورىنا 1268 توننا كارتوپ سالىندى. ونى ساتىپ الۋعا 78 ميلليون تەڭگە قارجى جۇمسالدى. دەگەنمەن تۇتىنۋشىلار كەلٸسٸ 84 تەڭگە تۇراتىن كارتوپتىڭ ساپاسىن سىنادى. كٶبٸ بۇزىلعان, شٸرٸگەن.
«بٸزدە وسىنداي مەسەلەنٸڭ تۋىنداعانىنا قاراعاندا جاعدايدى جەتكٸلٸكتٸ دەڭگەيدە باقىلاي المادىم دەپ ويلايمىن. مەن دە جاۋاپتىمىن. وسىعان جاۋاپتى قىزمەتكەر ٶزٸنە ارتىلعان جۇمىستى تيياناقتى اتقارا المادى, حالىقتى ساپالى كارتوپپەن قامتاماسىز ەتۋدە سالعىرتتىق تانىتتى. قازٸر تەكسەرۋ جٷرٸپ جاتىر. ايتارىم – ساۋدادا دوستىق جوق. ٶزٸم دە بٸر كەزدەردٸ بيزنەستە جٷردٸم. ٶزٸ باسقا, سٶزٸ بٶتەن, كەيدە ٸسٸ باسقا. ەكٸنٸ ەكٸگە كٶبەيتكەندە تٶرت بولا بەرمەيدٸ. بۇل جاعداي وسىعان ۇقساس. ۋەدە باسقا, ال سٶرەدەگٸ ٶنٸم باسقا بولىپ شىقتى. كٸمنٸڭ كٸنەسٸ? كەلٸسٸمشارتقا قول قويعان ادامدار ما, جەتكٸزۋشٸلەر مە ەلدە ٶندٸرۋشٸ مە? وسىنى انىقتايمىز. سەبەبٸ قازٸر بەرٸ بٸر-بٸرٸنە سٸلتەپ, جاۋاپكەرشٸلٸكتەن قاشىپ وتىر. بٸرٸنشٸسٸ مەن ساپالى كارتوپ تاسىمالدادىم دەسە, ەكٸنشٸسٸ نە ەكەلدٸ, سونى ساتۋعا شىعارعانىن ايتتى. مەنٸڭ ويىمشا ەرقايسىسىندا بٸر كٸلتيپان بار. تەكسەرۋ نەتيجەسٸنەن سوڭ كەسٸپكەرگە قاتىستى ٸسٸنە ادال نەمەسە جۇمىسىنا سالعىرت دەگەن شەشٸم شىعارىلادى. سونداي-اق وبلىستىق اۋىل شارۋاشىلىعى باسقارماسى, «اقتٶبە» ەكك» اق-نا قاتىستى شەشٸمٸمدٸ ايتامىن», - دەدٸ وبلىس ەكٸمٸ وڭداسىن ورازالين.
