اقتٶبەلٸكتەر باسپاناسى سۋ استىندا قالعان ادامدارعا زاتتاي, قارجىلاي كٶمەكتەسٸپ جاتىر. قايىرىمدىلىق اكتسيياسىن «نۇر عاسىر» مەشٸتٸنٸڭ جانىنداعى قور ۇيىمداستىردى, دەپ حابارلايدى قازاقپارات تٸلشٸسٸ.
اقتٶبە قالاسىنداعى ەرٸكتٸلەر بٸرنەشە توپ قۇرىپ, قايىرىمدىلىق اكتسيياسىن ۇيىمداستىرىپ جاتىر. «نۇر عاسىر» مەشٸتٸ جانىنداعى «زەكەت» قورى كەشە ەلەۋمەتتٸك جەلٸ ارقىلى حابارلاندىرۋ بەرٸپ, كٶپشٸلٸككە ٷندەۋ تاستادى.
«سۋ باسقان ٷيلەردٸ قاراپ, ادامدارمەن سٶيلەسٸپ كەلدٸك. كەيٸن ولارعا كٶمەكتەسۋ قاجەت دەگەن شەشٸم قابىلداندى. بٸز تازا, بٷتٸن كيٸم-كەشەك پەن تۇرمىستىق زاتاردى, ازىق-تٷلٸكتٸ قابىلدايمىز. قايىرىمدى ادامدار قارجى جيناپ بەرٸپ جاتىر»,- دەدٸ «زەكەت» قورىنىڭ ٶكٸلٸ ٶمٸربەك دەمەن. قور مٷشەلەرٸ بٷگٸن ٷزٸلٸسسٸز جۇمىس ٸستەيدٸ. كەشكٸلٸك بار جينالعان مٷلٸكتٸ ارنايى شتابقا تاپسىرادى. «بٸز تۋرالى ەستٸپ, باسپاناسى سۋعا كەتٸپ جاتقان ادامدار مەشٸت جانىنداعى قورعا كەلٸپ جاتىر. ولارعا كٶمەك كٶرسەتٸلەدٸ. سونىمەن قاتار, ەلٸمٸزدٸڭ ەر ٶڭٸرٸنەن حابارلاسىپ, اقشا اۋدارۋ ٷشٸن ەسەپشوت نٶمٸرٸن سۇرايتىندار بار», - دەدٸ ٶ. دەمەن.
بۇعان دەيٸن حابارلاعانىمىزداي, باسپاناسى سۋعا كەتكەن اقتٶبەلٸكتەر قازٸر مەكتەپتەردٸ پانالاپ وتىر. وندا 600-گە جۋىق ادام بار. كەيبٸرٸ تەك قۇجاتتارىن الىپ ٷلگەرسە, ٶزگەسٸ ٷي كيٸمٸمەن جانىن ساقتاپ شىققان.
