اقتٶبەلٸك جاستار تۇرعىن ٷيمەن قامتاماسىز ەتٸلمەك. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز كونفەرەنتسييادا وبلىستىق جاستار ساياساتى مەسەلەلەرٸ باسقارماسىنىڭ باسشىسى نۇرلان كٷنتۋوۆ مەلٸمدەدٸ.
باسقارما باسشىسىنىڭ ايتۋىنشا, بۇل باعىت ەلباسىمىز جارييالاعان جاستار جىلى اياسىندا جٷزەگە اسىرىلىپ, جٷزدەگەن جاس اقتٶبەلٸكتەردٸ تۇرعىن ٷيمەن قامتاماسىز ەتۋگە باعىتتالعان.
«قازٸرگٸ ۋاقىتتا جاستار ٷشٸن ٶزەكتٸ مەسەلەلەردٸڭ بٸرٸ - ٶز باسپاناسىنىڭ بولماۋى بولىپ تابىلادى. وسىعان بايلانىستى اقتٶبە وبلىسى ەكٸمٸنٸڭ تاپسىرماسىنا ساي, اقتٶبە قالاسىنىڭ ەكٸمدٸگٸ, وبلىستىق جاستار ساياساتى مەسەلەلەرٸ باسقارماسى «تۇرعىن ٷي قۇرىلىس جيناق بانكٸ» اق-مەن بٸرلەسە وتىرىپ, جاستار مەن جاس وتباسىلاردى تۇرعىن ٷيمەن قامتاماسىز ەتۋ بويىنشا باعىتتى ٸسكە اسىرۋعا كٸرٸستٸ», - دەدٸ نۇرلان كٷنتۋوۆ.
اتالمىش بٸرەگەي باعدارلاماعا 29 جاسقا دەيٸنگٸ وبلىس تۇرعىندارى قاتىسا الادى. ولار اۋدانى 40-50 شارشى مەتر بولاتىن 1 بٶلمەلٸ پەتەرلەرگە ٷمٸتكەر بولا الادى, بۇل رەتتە تۇرعىن ٷي الاڭى ٷشٸن باستاپقى جارنا كٶلەمٸ ورتاشا ەسەپپەن 350 مىڭ تەڭگەنٸ, ال اي سايىنعى تٶلەم 35 مىڭ تەڭگەنٸ قۇرايدى.
