سۋ تاسقىنى كەزەڭٸندە قۇتقارۋشىلاردىڭ كٷشٸمەن اقتٶبە وبلىسىنىڭ اۋماعىندا بٸرنەشە اۆارييالىق-قۇتقارۋ جۇمىستارى جٷرگٸزٸلدٸ.
اقتٶبە وبلىسىنىڭ تەمٸر اۋدانىنداعى سۋ تاسقىنىنا قارسى جۇمىستار كەزٸندە تەمٸر اۋدانىنىڭ تجب اعا ينجەنەرٸ ازاماتتىق قورعاۋ كاپيتانى اسپان نۇرجان ٶز ارقاسىندا سۋ باسقان ايماقتان 2 بالا مەن 1 ەيەلدٸ شىعارىپ, قاۋٸپسٸز جەرگە كٶشٸردٸ. تۇرعىندار وقشاۋلانىپ, بارلىق جاعىنان سۋمەن قورشالىپ قالعان.
سونداي-اق اقتٶبە قالاسىندا كٶكتەمگٸ سۋ تاسقىنى كەزٸندە مەديتسينا قىزمەتكەرلەرٸ قيىنشىلىققا تاپ بولىپ, سۋ تاسقىنىنىڭ سالدارىنان ٷي-جايدان شىعا الماي قالعان. № 23 ٶسب قۇتقارۋشىلارى ايبات اساباەۆ, قۇمار مەجەن, جٷسٸپەك ەبٸلسەيٸتوۆ جەدەل شاقىرتۋعا شىعا الماي قالعان كٶمەككە مۇقتاج مەديتسينا قىزمەتكەرلەرٸن ۇزاق كٷتتٸرمەي, ولاردى قاۋٸپسٸز ايماققا الىپ شىقتى.
قازٸرگٸ ۋاقىتتا ٶڭٸردە سۋ تاسقىنىنا قارسى سۋ ايداۋ, ينەرتتٸ ماتەريالدار مەن قاپتاردى تٶسەۋ جۇمىستارى جٷرگٸزٸلۋدە.
