Sý tasqyny kezeńinde qutqarýshylardyń kúshimen Aqtóbe oblysynyń aýmaǵynda birneshe avariialyq-qutqarý jumystary júrgizildi.
Aqtóbe oblysynyń Temir aýdanyndaǵy sý tasqynyna qarsy jumystar kezinde Temir aýdanynyń TJB aǵa injeneri azamattyq qorǵaý kapitany Aspan Nurjan óz arqasynda sý basqan aimaqtan 2 bala men 1 áieldi shyǵaryp, qaýipsiz jerge kóshirdi. Turǵyndar oqshaýlanyp, barlyq jaǵynan sýmen qorshalyp qalǵan.
Sondai-aq Aqtóbe qalasynda kóktemgi sý tasqyny kezinde meditsina qyzmetkerleri qiynshylyqqa tap bolyp, sý tasqynynyń saldarynan úi-jaidan shyǵa almai qalǵan. № 23 ÓSB qutqarýshylary Aibat Asabaev, Qumar Májen, Júsipek Ábilseiitov jedel shaqyrtýǵa shyǵa almai qalǵan kómekke muqtaj meditsina qyzmetkerlerin uzaq kúttirmei, olardy qaýipsiz aimaqqa alyp shyqty.
Qazirgi ýaqytta óńirde sý tasqynyna qarsy sý aidaý, inertti materialdar men qaptardy tóseý jumystary júrgizilýde.
