اقتٶبە قالالىق سوتىندا سوتتالۋشى ايسۇلۋ ورداقۇلوۆاعا قاتىستى قىلمىستىق ٸس قارالدى. ول تانىسىنىڭ قۇجاتتارىن يەمدەنٸپ, ونلاين تٷردە 12 نەسيە رەسٸمدەگەن, دەپ حابارلايدى قازاقپارات.
№2 اقتٶبە قالالىق سوتىندا 31 جاستاعى ايسۇلۋ ورداقۇلوۆاعا قاتىستى قىلمىستىق ٸس قارالدى. وعان قىلمىستىق كودەكستٸڭ «الاياقتىق» بابى بويىنشا ايىپ تاعىلدى. ٸس ماتەريالىنا سٷيەنسەك, ا.ورداقۇلوۆا «كوممۋنالدىق قىزمەت تٶلەمٸن جاسايمىن» دەگەن سىلتاۋمەن تانىسىنىڭ جەكە كۋەلٸگٸ مەن ەكٸنشٸ دەڭگەيلٸ بانك كارتاسىن يەمدەنگەن. كەيٸن قۇجاتتاردى ونلاين نەسيە رەسٸمدەۋگە پايدالانعان. سٶيتٸپ 2017 جىلدىڭ قاراشا-جەلتوقسان ايلارىندا 12 نەسيە رەسٸمدەگەن. سوتتالۋشى ايسۇلۋ ورداقۇلوۆا سوتتا بار كٸنەسٸن مويىنداپ, اقشانى ٶز قاجەتتٸلٸگٸنە جۇمساعانىن ايتتى.
«مەملەكەتتٸك ايىپتاۋشى سوتتان ا.ورداقۇلوۆاعا 3 جىل مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى. سوت قىلمىستىق قۇقىق بۇزۋشىلىقتىڭ سيپاتى مەن قوعامدىق قاۋٸپتٸلٸك دەرەجەسٸن, جاۋاپكەرشٸلٸك پەن جازانى جەڭٸلدەتەتٸن مەن-جايلاردى, كٸنەلٸنٸڭ جەكە باسىن ەسكەرە وتىرىپ, ا.ورداقۇلوۆانى 3 جىل 3 اي مەرزٸمگە باس بوستاندىعىنان ايىرۋ جازاسىن تاعايىندادى. سوت ٷكٸمٸ زاڭدى كٷشٸنە ەنگەن جوق»,- دەپ حابارلادى وبلىستىق سوتتىڭ باسپاسٶز قىزمەتٸ.
