بٷگٸن اقتٶبە قالالىق سوتىندا بۇرىنعى ەيەلٸنٸڭ بەتٸن پىشاقپەن اياۋسىز تٸلٸپ تاستاعان ەر ادامعا قاتىستى ٸس بويىنشا جارىسسٶزدەر ٶتتٸ. پروكۋرور ايىپتالۋشىنى 6 جىلعا باس بوستاندىعىنان ايىرۋدى سۇرادى, دەپ حابارلايدى "ۇلت اقپارات".
قالالىق سوتىندا قىلمىستىق كودەكستٸڭ «دەنساۋلىققا قاساقانا اۋىر زييان كەلتٸرۋ» بابى بويىنشا ٸس قارالدى.
جارىسسٶز كەزٸندە تٸلشٸلەردٸڭ ونلاين بايلانىسقا شىعۋىنا مٷمكٸندٸك جاسالدى.
سوت وتىرىسى كەزٸندە پروكۋرور ايىپتالۋشى بەكەنوۆتٸ 6 جىل باس بوستاندىعىنان ايىرىپ, جازاسىن ٶتەۋدٸ قاۋٸپسٸزدٸگٸ ورتاشا تٷزەتۋ مەكەمەسٸندە بەلگٸلەۋدٸ سۇرادى.
ونىڭ اتاپ ٶتۋٸنشە, ەيەلدٸڭ بەتٸندە جاراقاتتان كەيٸن قالعان تىرتىقتار ٶزدٸگٸمەن كەتپەيدٸ. سوندىقتان, پلاستيكالىق وپەراتسييا جاساتۋ قاجەت. قىلمىستىق ٸس اۋىر قىلمىستار ساناتىنا جاتقىزىلعان.
ال جەبٸرلەنۋشٸ ايناگٷل بەكەنوۆا بۇرىنعى كٷيەۋٸن كەشٸرەتٸنٸن ايتتى. «مەن وعان كەشٸرٸم بەرەمٸن. بٸراق, بوستاندىققا شىققان سوڭ, مەنٸ مازالاماۋى تيٸس», - دەدٸ جارىسسٶزدە ول.
بەكەنوۆ بولسا, كٸنەسىن مويىنداپ, كەمەلەتكە تولماعان بالالارى ٷشٸن بوستاندىعىنان ايىرماۋدى سۇرادى جەنە قويىلعان بارلىق تالاپتى ورىنداۋعا ۋەدە ەتتٸ.
ايتا كەتەيٸك, وقيعا بيىل ناۋرىز ايىندا بولدى. ەرلٸ-زايىپتى اجىراسقان سوڭ بۇرىنعى كٷيەۋٸ ەيەلٸنٸڭ جۇمىس ورنىنا بارىپ, ونى ۇرىپ-سوقققان, بەتٸن بٸرنەشە رەت ٶتكٸر زاتپەن تٸلگەن.
كەيٸن ٸس تەرگەۋگە الىنىپ, قىلمىستىق ٸس قوزعالدى. سوتتالۋشى ٶز كٸنەسٸن مويىندادى.
سوت ٷكٸمٸ ەرتەڭ شىعارىلادى.
