اقتٶبە وبلىسى بويىنشا 10 مىڭعا جۋىق ادام ۆاكتسينا قابىلدادى. ٶڭٸرگە تاعى 20 مىڭ دوزا جەتكٸزٸلدٸ, دەپ حابارلايدى "ۇلت اقپارات".
ٶتكەن تەۋلٸكتە وبلىس بويىنشا تاعى 116 ادامنان كوروناۆيرۋس ينفەكتسيياسى انىقتالدى. بٷگٸنگە دەيٸن بارلىعى 6236 جاعداي تٸركەلسە, ونىڭ 77 پايىزدان استامى جازىلدى.
«قازٸر 562 ادام ينفەكتسييالىق ستاتسيونارلاردا ەم الىپ جاتىر. ونىڭ 395-ٸ اقتٶبە قالاسىندا. 35 ناۋقاس جانساقتاۋ بٶلٸمٸندە. تٶرتەۋٸ ٶكپەنٸ جاساندى جەلدەتۋ اپپاراتىنا قوسىلعان. ۆيرۋستان ساقتانۋدىڭ ەڭ تيٸمدٸ جولى – ۆاكتسينا. قازٸرگٸ كەزدە 10 مىڭنان استام ادام ەكپە قابىلداپ ٷلگەردٸ. تاعى 20 مىڭ دوزا جەتكٸزٸلدٸ. تۇرعىندار مەكەن جايى بويىنشا ەمحاناعا كەلٸپ, ۆاكتسينا قابىلداي الادى», - دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ.
قازٸرگٸ كەزدە ٷي كارانتينٸنە جٸبەرٸلگەندەر سانى ارتىپ بارادى. 3300-دەن استام ادام ەكٸ اپتا بويى دەرٸگەرلەر باقىلاۋىندا بولۋى تيٸس.
«مونيتورينگ توپتاردان جەنە جەرگٸلٸكتٸ پوليتسييا قىزمەتٸنەن تٷسكەن ماتەريالدارعا سەيكەس 176 ايىپپۇل سالىندى. ايىپپۇل كٶلەمٸ – 24,5 ميلليون تەڭگە. ٷيلەستٸرۋ ورتالىعىنان تٷسكەن حابارلاما نەگٸزٸندە تاعى 21 تەكسەرۋ جٷرگٸلٸزٸپ, 2 ميلليون تەڭگەدەن استام ايىپپۇل سالىندى. «قىزىل» ايماقتاعى ٶڭٸر تۇرعىندارىن سانيتارييالىق تالاپتى ساقتاۋعا شاقىرامىز. رامازان ايىندا مۇسىلماندارعا بٸر اي بويى ورازا ۇستاۋ پارىز ەتٸلگەن. دەگەنمەن توپتالىپ, اۋىزاشارعا بارۋعا نەمەسە ٷيٸنە سىرتتان ادام شاقىرۋعا بولمايتىنىن ەسكەرتەمٸز. ەركٸم ٶز شاڭىراعىندا, وتباسى مٷشەلەرٸمەن بٸرگە بولعانى دۇرىس. سونداي-اق, ٸندەتكە بايلانىستى بيىل مەشٸتتەردە تاراۋيح نامازى وقىلمايدى», - دەدٸ وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
