قازاقستاندىق رەجيسسەر ەسييا بايعوجينا تٷسٸرگەن «سەنٸم جولىندا» دەرەكتٸ فيلمٸ مينسك قالاسىندا ٶتكەن «ەۋرازييا.DOC» اتتى تمد ەلدەرٸنٸڭ دەرەكتٸ كينولارى فەستيۆالٸندە جەڭٸمپاز اتاندى, دەپ حابارلايدى قازاقپارات تٸلشٸسٸ «قازاقفيلم» كينوستۋديياسىنا سٸلتەمە جاساپ.
قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش.ايمانوۆ اتىنداعى «قازاقفيلم» اق تٷسٸرگەن «سەنٸم جولىندا» دەرەكتٸ فيلمٸ قوعامىمىزداعى ٶزەكتٸ مەسەلەلەردٸڭ بٸرٸ - دٸن جولىنداعى اداسۋشىلىق تۋرالى باياندايدى. نەگٸزگٸ ەپيزود - دٷيٸم ەلدٸ دٷرلٸكتٸرگەن, بٸرنەشە ادامداردىڭ ٶمٸرٸن قيىپ, 40-قا جۋىق جەرگٸلٸكتٸ تۇرعىنداردى جارالاعان قاندى وقيعا - 2016 جىلى ماۋسىمنىڭ 5-ٸندە بولعان اقتٶبەدەگٸ تەراكت.
"فەستيۆالدٸڭ قازىلار القاسى ٷش فيلمدٸ ٷزدٸك دەپ اتادى, ونىڭ ٸشٸندە بٸزدٸڭ دە فيلمٸمٸز بار. فەستيۆالدٸڭ باس جٷلدەسٸ رەسەيلٸك «فورساج» فيلمٸنە بۇيىردى. «سەنٸم جولىندا» فيلمٸن كٶرەرمەن جاقسى قابىلدادى. تٸپتٸ, كەيبٸرەۋلەرٸ وسىنداي جاعدايلاردىڭ (دٸني ەكسترەميزم مەن تەرروريزم) قازاقستان جەرٸندە ورىن العانى تۋرالى ەستٸپ تاڭ قالدى. فيلم ەكٸ جىل بۇرىن جارىق كٶردٸ. الايدا بٷگٸنگٸ كٷنٸ وسى فيلمگە قىزىعۋشىلىق كٶپ بولىپ جاتىر. فەستيۆالدٸڭ ۇيىمداستىرۋشىلارى فيلمنٸڭ ٷزٸندٸلەرٸن عالامتوردا كٶرٸپ, مەنٸ تاپقان. سول ٷشٸن دە, ۇيىمداستىرۋشىلارعا العىسىمدى بٸلدٸرەمٸن. جەنە دە مينسكٸگە بٸرٸنشٸ رەت كەلٸپ وتىرمىن, بۇل دا مەن ٷشٸن قۋانىش. ايتا كەتسەم, فەستيۆالگە ستسەنارييدٸڭ تەڭ اۆتورى مەرەكە قاسەنوۆا دا شاقىرىلعان بولاتىن", - دەدٸ رەجيسسەر ەسييا بايعوجينا.
«ەۋرازييا.DOC» اتتى تمد ەلدەرٸنٸڭ دەرەكتٸ كينو فەستيۆالٸ وسىمەن ٷشٸنشٸ رەت ٶتكٸزٸلٸپ وتىر. بيىل فەستيۆالگە قاتىسۋعا 23 ەلدەن 150 فيلمدەر ٷمٸت بٸلدٸرگەن. ونىڭ ٸشٸنەن نەگٸزگٸ بايقاۋعا 12 ەلدٸڭ 24 دەرەكتٸ فيلمٸ ٸرٸكتەلدٸ.
فەستيۆالدٸڭ باستى ماقساتى - دوستاستىق ەلدەرٸنٸڭ تالانتتى دوكۋمەنتاليست-رەدجيسسەرلەرٸن قولداۋ, تەلەۆيزييالىق فيلمدەردٸ جەنە كينوپۋبليتسيستيكانى جارىققا شىعارىپ جٷرگەن جاس كينوگەرلەردٸڭ ەسٸمٸن اشۋ, شىعارماشىلىق بايلانىستاردى نىعايتۋ بولىپ تابىلادى.
ەسكە سالا كەتسەك, اقتٶبەدەگٸ تەراكت تۋرالى دەرەكتٸ فيلم تمد ەلدەرٸنٸڭ فەستيۆالٸنە قاتىسىپ جاتقانىن حابارلاعان بولاتىنبىز.
