اۋدان, اۋىل ەكٸمدەرٸنٸڭ ەسەبٸنە قاتىسۋ ٷشٸن ەل ارالاۋعا شىققان اقتٶبە وبلىسىنىڭ ەكٸمٸ بەردٸبەك ساپارباەۆ دٸني جاعدايى كٷردەلٸ مۇعالجار اۋدانى ەكٸمٸنٸڭ ەسەبٸنە قاتىستى, - دەپ حابارلايدى NUR.KZ پورتالىنىڭ ٶڭٸردەگٸ تٸلشٸسٸ.
ەربول داناعۇلوۆ اۋىلدا جاسالىپ جاتقان جۇمىستاردى, ەلباسى باعدارلاماسى مەن وبلىس ەكٸمٸنٸڭ ناقتى تاپسىرمالارىن قالاي ورىنداپ جاتقانىن ايتىپ بەردٸ. ٶڭٸردەگٸ دٸني احۋالدىڭ الاڭداتارلىق جاعدايدا ەكەنٸن دە جاسىرعان جوق.
«قازٸرگٸ تاڭدا اۋداندا 10 مەشٸت بار. وعان 800 ادام كەلەدٸ. ونىڭ ٸشٸندە 447-سٸ باسقا دٸندە اداسىپ جٷرگەندەر. وسى جاعى قيىنداپ تۇر. وسىعان بايلانىستى تٷركٸستان قالاسىنان بٸر ماماندى شاقىرىپ جاتىرمىز. قازٸر وسىنداي كٸسٸلەرمەن جۇمىس ٸستەپ, اۋدانعا ساۋاتتى ماماندار تارتقىمىز كەلەدٸ. ارالارىندا بٸرنەشە رەت ٷيلەنگەندەر مەن بٸرنەشە رەت تۇرمىس قۇراعاندار بار. بٸزگە ساۋاتتى تەولوگتار كەرەك. ولاردى كەيٸن قايتارۋ وڭاي ەمەس. قيىندىق تۋعىزاتىندار بار. بٸراق, تٷبٸندە باعىتتارىنان قايتاراتىن بولامىز», - دەيدٸ مۇعالجار اۋدانىنىڭ ەكٸمٸ ەربول داناعۇلوۆ.
اۋدان ەكٸمٸ مەكتەپتە ناماز وقىپ, بٷركەنٸپ جٷرەتٸن وقۋشىلار سانىنىڭ ازايماي جاتقانىن دا ايتتى.
«مەكتەپكە ورامال تاعىپ بارىپ, مەكتەپتە ناماز وقيتىن بالالارىمىز جوق ەمەس, بار. وسىعان بايلانىستى بٸرنەشە وتىرىستار ٶتكٸزٸلدٸ. بالالاردىڭ اتا-انالارىمەن سٶيلەسكەن كەزدە نەتيجە بەرگەندەرٸ بار», - دەيدٸ ەربول داناعۇلوۆ.
اداسقان اعىم جەتەگٸندە جٷرگەندەر ەكٸم ۇسىنعان 50 مىڭ تەڭگەنٸڭ جۇمىسىنان باس تارتىپ, جالاقىسى كٶپ جەرگە تۇرعىزۋدى سۇراپ وتىر.
«باسقا اعىمدا اداسىپ جٷرگەن ەر اداممەن جەرگٸلٸكتٸ ەكٸمدەر, دەپۋتاتتار بٶلٸپ الىپ, جۇمىس ٸستەپ جاتىرمىز. مەنٸڭ ٶزٸم قاندىاعاش قالاسىندا ٷش وتباسىن ٶز قاداعالاۋىما الدىم. ولاردىڭ بارلىعىنا جۇمىس ۇسىنىپ جاتىرمىز. ٷيٸنە كٸرٸس كٶزٸ كٸرمەسە, كەمەلەتتٸك جاسقا تولعان بالالارىنا دەيٸن جۇمىسقا تارتامىز. بٸراق, ولار بٸز ۇسىنعان جۇمىسقا بارىپ جاتقان جوق. بالالارىن بالاباقشاعا ورنالاستىردىق. ولار ايلىعى كٶپ جەرلەردەن جۇمىس سۇرايدى. 40-50 مىڭ تەڭگەنٸڭ جۇمىسىن ٸستەگٸلەرٸ كەلمەيدٸ. بەرٸ از اقشاعا بارمايمىز دەپ قولحات جازىپ بەردٸ. تۇرمىستىق جاعدايلارى سالىستىرمالى تٷردە جامان ەمەس. كٶپشٸلٸگٸ تاكسي قىزمەتٸندە جەنە تەلەفون جٶندەيدٸ. ەسەپتەپ كٶردٸك, شامامەن ەرقايسىسىنىڭ ٷيٸنە ايىنا 100 مىڭ تەڭگەدەي كٸرٸس كٸرەتٸن ادامدار. بٸز ۇسىنعان جۇمىستى جۇمىس دەپ وتىرعان جوق», - دەدٸ اۋدان ەكٸمٸ.
