فوتو: استانا ەكٸمدٸگٸ
اقتٶبە قالاسىندا بارلىق باعىتتا جول جابىق. سونىمەن بٸرگە قالا ماڭىنداعى تۇرعىن ٷي الاپتارىنا قاتىنايتىن قوعامدىق كٶلٸك جٷرمەي جاتىر, دەپ حابارلايدى «ۇلت اقپارات» Kazinformعا سٸلتەمە جاساپ.
اقتٶبە قالاسىندا قازٸر اقتٷتەك بورىن بولىپ تۇر. بٷگٸن مەكتەپ پەن كوللەدجدەردە ساباق ونلاين ٶتٸپ جاتىر. سونىمەن بٸرگە №41, 44, 45, 49, 43, 37, 21 باعىتتارداعى ٶرلەۋ, اقشات, جاناقونىس, بەكقۇل بابا, سازدى, قۇرشىساي, جاڭاقونىس تۇرعىن الاپتارىنا قاتىنايتىن اۆتوبۋستار توقتاتىلدى.
اقتٶبە قالاسى ەكٸمٸنٸڭ باسپاسٶز قىزمەتٸنٸڭ حابارلاۋىنشا, بۇل اۋماقتاردى پوليتسييا باقىلاۋعا الىپ, قاتىناسقا شەكتەۋ قويعان.
اقتٶبە قالاسىندا بوران سالدارىنان تۇرعىن ٷيدٸڭ شاتىرى دا ۇشىپ كەتتٸ.
- جەل ەكپٸنٸنٸڭ كٷشەيۋٸ سالدارىنان كەيبٸر باۋ-باقشا ۇجىمدارىندا ەلەكتر جەلٸسٸ ٷزٸلدٸ. قازٸرگٸ ۋاقىتتا «ەنەرگوسيستەما» بريگادالارى جٶندەۋ جۇمىسىن جٷرگٸزۋدە. ەۋەقالاشىعى 1/1 مەكەجايىندا تۇرعىن ٷيدٸڭ شاتىرى ۇشتى. مۇندا دا جٶندەۋ جٷرگٸزٸلەدٸ, - دەپ حابارلادى اقتٶبە قالاسى ەكٸمٸنٸڭ باسپاسٶز قىزمەتٸ.
