بيىل اقتٶبە قالاسىندا ەكٸنشٸ رەت «Baqytty bala» بايقاۋى ٶتەدٸ. ەلەمنٸڭ سەگٸز ەلٸنەن ٶنەرپاز قاتىسىپ, گالا كونتسەرتتە ديماش قۇدايبەرگەن ەن شىرقاۋى مٷمكٸن, دەپ حابارلايدى قازاقپارات تٸلشٸسٸ.
«Baqytty bala» بايقاۋىنا ۋكراينا, رەسەي, بەلورۋس, پولشا, ٶزبەكستان, قىرعىزستان, گرەتسييا, مولدوۆا ەلٸنەن ٶنەرپازدار كەلدٸ. كانادا ەلٸنٸڭ قاتىسۋشىسى قۇجات رەسٸمدەۋگە كەشٸگٸپ, 2020 جىلى بولاتىن بايقاۋعا بٸرٸنشٸ بولىپ جولداما الىپ وتىر.
«بيىل بالالاردىڭ ۆوكالدىق كونكۋرسى ەكٸنشٸ رەت ۇيىمداستىرىلىپ جاتىر. بارلىعى 500-دەن استام ٶتٸنٸش تٷسسە, ونىڭ جيىرماسا ٸرٸكتەلدٸ. گالا كونتسەرت 14-شٸلدە كٷنٸ ٶتەدٸ. بالالار ٶتە تالانتتى, دايىندىقپەن كەلگەن. بٸر ايتا كەتەرلٸگٸ, بايقاۋدىڭ گالا كونتسەرتٸنە ديماش كەلەدٸ دەپ كٷتٸپ وتىرمىز. ەلەم جۇلدىزىنىڭ ۋاقىتى از, كەستەسٸ تىعىز بولعانىمەن ٷمٸت ٷزبەيمٸز. كەلسە قۋانامىز, اماندىق بولسا قاۋىشامىز», - دەدٸ قالا ەكٸمٸنٸڭ ورىنباسارى ايگٷل ارىنعازيەۆا.
بايقاۋدى قالالىق ەكٸمدٸكتٸڭ قولداۋىمەن «ديماش ەلي» پروديۋسسەرلٸك ورتالىعى بٸرگە ۇيىمداستىرىپ جاتىر. ەدٸلقازىلار اراسىندا ۋكراينانىڭ تانىمال ەنشٸسٸ ايدا نيكولايچۋك, رەسەي كومپوزيتورى ەۆگەنيي ەۆزەروۆ, ساۋند-پروديۋسەر ەرلان بەكچۋرين, كومپوزيتور ەرٸ ورىنداۋشى ۇلىقپان جولداسوۆ, ديماشتىڭ ۇستازى مارات ەيتٸموۆ بار.
«بالالار اقتٶبەدە بٸر اپتا بولادى. ولار وسى ارقىلى دوستاسىپ, كەسٸبي دامۋعا مٷمكٸندٸك الادى. بٸلٸكتٸ ۇستازدار شەبەرلٸك ساباعىن ٶتكٸزدٸ. بالالار الدىمەن انا تٸلٸندە, كەيٸن ەلەمدٸك حيت ەندٸ ورىندايدى. بالالار قايىرىمدىلىق شاراعا دا قاتىسىپ, زامانداستارىنا كٶمەكتەسەدٸ, ولاردى ٶز كونكۋرسىنا شاقىردى. مٷمكٸندٸگٸ شەكتەۋلٸ بالالارمەن كەزدەسۋ دە ەرەكشە ٶتەدٸ دەپ جوسپارلاپ وتىرمىز», - دەدٸ فەستيۆال رەجيسسەرٸ اننا وبويانسكايا.
ايتا كەتەيٸك, ۆوكالدىق بايقاۋدىڭ جٷلدە قورى 2 ميلليون تەڭگە. باس جٷلدە يەگەرٸنە 1 ميلليون تەڭگە بەرٸلەدٸ. سونىمەن قاتار جەرگٸلٸكتٸ ەكٸمدٸك قاتسۋشىلاردى كٷتۋ جۇمىستارىن ٶز مٸندەتٸنە الدى.
«ديماشتىڭ ارنايى سىيى تۋرالى كونكۋرس كەزٸندە بەلگٸلٸ بولادى. باس جٷلدە ٶتكەن جىلى ەكٸ قاتىسۋشىعا بەرٸلدٸ. بيىل دا بايقاۋ بارىسىندا بەرٸ ٶزگەرۋٸ مٷمكٸن», - دەدٸ قانات ايتباەۆ.
اقتٶبە وبلىسىنان اڭسار جٷسٸپ, لاۋرا سەركەباەۆا, ەدٸل ورىنباساروۆ قاتىسادى. سونىمەن قاتار بايقاۋعا قاتىساتىن ديماشتى كٶرۋ ٷشٸن تٷركييا, فينلياندييا, فرانتسييا, ۇلىبريتانييا, بولگارييادان 12 فاناتى كەلدٸ.
