اقتٶبە وبلىسى قوبدا اۋدانى سارىبۇلاق اۋىلى تۇرعىنىنىڭ 113 باس قويىن ايداپ ەكەتتٸ دەپ كٷدٸككە ٸلٸنگەن ەكٸ ادام قاماۋعا الىندى. ەكەۋٸ دە - قوبدا اۋدانىنىڭ تۇرعىنى. بۇل اقپاراتتى اقتٶبە وبلىستىق پوليتسييا دەپارتامەنتٸنٸڭ باسپاسٶز قىزمەتٸ حابارلادى, دەپ جازادى ازاتتىق.
پوليتسييانىڭ بولجامىنشا, سارىبۇلاق اۋىلىنان ۇرلانعان مالدى كٷدٸكتٸلەر اۋدان ورتالىعى قوبداعا ايداپ الىپ بارعان. "بەس قاساپشىنى جالداپ, 23 باس قويدى سويىپ بولا بەرگەن كەزدە كٷدٸكتٸلەر قولعا تٷستٸ" دەپ حابارلادى پوليتسييا.
بۇل وقيعاعا بايلانىستى قىلمىستىق كودەكستٸڭ 188-بابى ("ۇرلىق") بويىنشا قىلمىستىق ٸس قوزعالعان. بۇل باپ بويىنشا ەڭ جوعارى جازا - بەس جىلعا دەيٸن باس بوستاندىعىنان ايىرۋ. 11 جەلتوقساندا سوت كٷدٸكتٸلەردٸ ەكٸ ايعا قاماۋعا سانكتسييا بەرگەن.
پوليتسييا دەرەگٸنشە, بيىل اقتٶبە وبلىسىندا مال ۇرلىعىمەن بايلانىستى 229 وقيعا تٸركەلگەن. مىڭنان استام مال ۇرلانعان. مال ۇرلىعى ەسٸرەسە, العا مەن قوبدا اۋداندارىندا جيٸ كەزدەسەدٸ. پوليتسييا قىلمىستىڭ كٶپتٸگٸن مال يەلەرٸنٸڭ تٶرت تٷلٸكتٸ ٶرٸسكە قاراۋسىز جٸبەرەتٸندٸگٸمەن بايلانىستىرادى.
"وبلىستا ٶرٸستەگٸ مالعا ارنايى چيپ ورناتاتىن شارۋاشىلىقتار ٶتە از" دەيدٸ اقتٶبە وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
اقتٶبە وبلىسىندا مال ۇرلىعىمەن بايلانىستى قىلمىستاردىڭ 30-40 پايىزى عانا اشىلادى. بيىل جىل باسىندا شارۋالار اقتٶبە وبلىسىنىڭ "اتامەكەن" كەسٸپكەرلەر پالاتاسىنىڭ كەسٸپكەرلەر قۇقىعىن قورعاۋ جٶنٸندەگٸ كەڭەسٸنە بارىپ, وبلىستا مال ۇرلىعىنىڭ كٶبەيٸپ كەتكەنٸنە شاعىمدانعان بولاتىن.
سول جيىندا اقتٶبە وبلىسى پروكۋرورىنىڭ بٸرٸنشٸ ورىنباسارى ازامات دٷيسەمبەكوۆ مال ۇرلىعىنا قاتىستى ٸستەردٸ تەرگەۋ بارىسىندا پوليتسييانىڭ كەمشٸلٸك جٸبەرگەنٸن راستاپ, ۇرلىق دەرەكتەرٸنٸڭ باقىلاۋعا الىنعانىن ايتقان.
