اقتٶبە وبلىسىندا كارانتين شەكتەۋٸ كٷشەيدٸ. بٷگٸن جاڭا قاۋلى شىقتى, دەپ حابارلايدى قازاقپارات.
اقتٶبەدە ٶتكەن تەۋلٸكتە 73 جاعداي تٸركەلدٸ. ولاردىڭ 80 پايىزدان استامى دەرتتٸڭ سيمپتومدى تٷرٸنە شالدىققان. قازٸر اقتٶبە قالاسى, مەرتٶك, العا, ويىل, تەمٸر اۋداندارىنىڭ تۇرعىندارى ينفەكتسييالىق اۋرۋحانالارعا جاتقىزىلىپ, ەم الىپ جاتىر. ال ناۋقاستارمەن قارىم-قاتىناستا بولعان ادامدار ٷي كارانتينٸندە. ولاردىڭ قاتارى بٷگٸندە 1300-گە جۋىقتادى. وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا بٷگٸن جاڭا قاۋلى شىعاردى.
«كونفەرەنتسييا, كٶرمە, فورۋم, ويىن-ساۋىق, سپورتتىق, سونداي-اق ادامدار كٶپ جينالاتىن وتباسىلىق, سالتاناتتى, ەستەلٸك جەنە باسقا دا ٸس-شارالاردى ٶتكٸزۋگە بولمايدى. كاراوكە, بيليارد, كومپيۋتەرلٸك كلۋبتار, تٷنگٸ جەنە ويىن كلۋبتارى, بوۋلينگ-ورتالىقتارى, كاليان, جابىق ٷي-جايلارداعى بالالار ويىن الاڭدارى جەنە اتتراكتسيوندار جۇمىس ٸستەمەيدٸ. بالاباقشالاردا كەزەكشٸ توپتار عانا قىزمەتٸن جالعاستىرادى. مەكتەپتەردە اسحانا جابىلادى. قالاارالىق, وبلىسارالىق جەنە وبلىسٸشٸلٸك تۇراقتى اۆتوبۋستاردىڭ, شاعىن اۆتوبۋستاردىڭ قوزعالىسى شەكتەلەدٸ. كينوتەاتر, تەاتر, مۇراجايلار, كٸتاپحانا دا ونلاين قىزمەت كٶرسەتەدٸ. رامازان ايىندا اۋىزاشار جاساۋعا بولمايدى», - دەپ حابارلادى وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ.
ايتا كەتەيٸك, دٸني وبەكتٸلەردە ۇجىمدىق ٸس-شارالار ٶتپەيدٸ. قوعامدىق تاماقتانۋ ورىندارى جۇمىس جەنە سەنبٸ كٷندەرٸ ساعات 07.00 – 22.00 دەيٸن جۇمىس ٸستەپ, جەكسەنبٸ كٷندەرٸ تەك تاپسىرىستى جەتكٸزەدٸ. جەكسەنبٸ كٷنٸ ساۋنا, مونشالار, سۇلۋلىق سالوندارى جابىق بولادى. ساۋدا, ويىن-ساۋىق ورتالىقتارى مەن ساۋدا ٷيلەرٸ دە جەكسەنبٸ كٷنٸ جابىلادى.
