اقتٶبەدە مەديتسينالىق مەكەمەدەگٸ قايعىلى جاعدايعا بايلانىستى قىلمىستىق ٸس قوزعالدى, دەپ حابارلايدى "ۇلت اقپارات".
«14 قازان كٷنٸ ساعات 17:59-دا اقتٶبە قالاسى استانا اۋداندىق پوليتسييا بٶلٸمٸنە مەديتسينالىق ورتالىقتىڭ ۋدز كابينەتٸندە 20 جاستاعى كەلٸنشەكتٸڭ كٶز جۇمعانى تۋرالى اقپارات تٷستٸ. وسى دەرەك بويىنشا قىلمىستىق كودەكستٸڭ 317-بابى 3-بٶلٸگٸمەن, ياعني, مەديتسينا نەمەسە فارماتسەۆتيكا جۇمىسكەرٸنٸڭ كەسٸپتٸك مٸندەتتەرٸن تيٸسٸنشە ورىنداماۋى بابىمەن ٸس قوزعالدى, سوت-مەديتسينالىق ساراپتاما تاعايىندالدى. تەرگەۋ جٷرٸپ جاتىر», - دەپ حابارلادى وبلىستىق پد باسپاسٶز قىزمەتٸ.
ەسكە سالساق, ايدوس پەن گٷلدانا نۇرماعامبەتوۆتەر 1 جىلدان استام ۋاقىت بۇرىن وتاۋ قۇرىپ, بالالى بولۋدى ارمانداعان. گٷلدانا نۇرماعامبەتوۆا 8 اي بويى گينەكولوگييالىق اۋرۋلارعا بايلانىستى جەكە كلينيكادا ەم قابىلداعان. سوڭعى ەمٸ كەزٸندە دەرٸنٸ قاتتى اۋىرسىنىپ, وپەراتسييا ٷستەلٸندە كٶز جۇمدى.
