فوتو: التىناي ساعىندىقوۆا/Kazinform
اقتٶبە قالاسىندا جاڭا جىل مەرەكەسٸنە وراي بەزەندٸرۋ جۇمىسى تەۋەلسٸزدٸك كٷنٸنەن كەيٸن عانا باستالادى. ورتالىق الاڭداعى شىرشانى قۇرۋ, بەزەندٸرۋگە بيىل دا قارجى بٶلٸنبەيدٸ, دەپ حابارلايدى "ۇلت اقپارات" Kazinform-عا سٸلتەمە جاساپ.
اقتٶبە قالاسىندا سوڭعى جىلدارى جاڭا جىلدىق بەزەندٸرۋگە بيۋدجەتتەن قارجى بٶلٸنبەي كەلەدٸ. بيىل دا بۇرعان دەيٸنگٸ شىرشالار مەن ەشەكەيلەردٸ پايدالانادى.
- قالانىڭ باستى شىرشاسى قر تۇڭعىش پرەزيدەنتٸ اتىنداعى ورتالىق مەدەنيەت جەنە دەمالىس ساياباعىندا ورناتىلادى. ودان باسقا ەكٸ اۋداننىڭ اۋماعىندا قويىلادى. ولار: ەسەت باتىر تۇرعىن الابىنداعى سۋپەرماركەت الدى, التىن وردا تۇرعىن الابىنداعى جەكپە-جەك سارايى مەن قالالىق ەكٸمدٸك الدىنداعى ەيتەكە بي ەسكەرتكٸشٸنٸڭ جانى. قالانى بەزەندٸرۋ 16 جەلتوقساننان كەيٸن باستالادى. بۇدان بٶلەك قالانىڭ كەسٸپكەرلەرٸ ٶز ەسەبٸنەن عيماراتتارى ورنالاسقان اۋماقتارىن جاڭا جىلعا وراي بەزەندٸرەدٸ. قالالىق تۇرعىن ٷي-كوممۋنالدىق شارۋاشىلىق, جولاۋشىلار كٶلٸگٸ جەنە اۆتوموبيل جولدارى بٶلٸمٸ 2018 جىلدان بەرٸ شىرشا ساتىپ الۋعا, بەزەندٸرۋگە قارجى بٶلمەدٸ. سول كەزدە قانشا بٶلٸنگەنٸن قازٸر ايتا المايمىز. بۇل 6 جىل ٶتٸپ كەتكەن مەملەكەتتٸك ساتىپ الۋ رەسٸمٸ ەرٸ قۇجاتتار مۇراعاتقا جٸبەرٸلگەن,- دەدٸ اقتٶبە قالاسى ەكٸمٸنٸڭ باسپاسٶز حاتشىسى ايگٷل بايمەنوۆا.
اقتٶبە قالاسى بويىنشا 25-31 جەلتوقسان ارالىعىندا مەرەكەلٸك ٸس-شارالار ۇيىمداستىرىلادى.
- باس شىرشانى جاعۋ رەسٸمٸ, بالالارعا ارنالعان «عاجايىپقا تولى جاڭا جىل» جەنە ەستۋ قابٸلەتٸ شەكتەۋلٸ بالالارعا ارنالعان «قوش كەلدٸڭ, جاڭا جىلى!», ونىڭ ٸشٸندە از قامتىلعان وتباسىلاردان شىققان بالالارعا «جاڭا جىل كەلدٸ» اتتى شارا ٶتەدٸ, - دەدٸ ايگٷل بايمەنوۆا.
ايتا كەتەيٸك, جاڭا جىل مەرەكەسٸنە وراي استانا, الماتى جەنە شىمكەنت قالالارى اراسىندا قوسىمشا تالگو پويىزدارى قاتىنايدى.
