اقتٶبە پوليتسيياسى جالعان پتر انىقتامانى ساتىپ كەلگەن ەرلٸ-زايىپتىنى ۇستادى, دەپ حابارلايدى "ۇلت اقپارات".
پوليتسييا قىزمەتكەرلەرٸ جەدەل ٸس-شارالاردى ٶتكٸزۋ بارىسىندا 2020 جىلدىڭ سوڭىنان باستاپ جالعان پتر اناقتامانى ساتىپ جٷرگەن ەرلٸ-زايىپتىنى ۇستادى. اقتٶبەنٸڭ 33 جاستاعى تۇرعىنى مەن ونىڭ ەيەلٸ جاساعان ٸس ەشكەرە بولدى. كەلٸنشەگٸ قالاداعى مەديتسينالىق ورتالىقتاردىڭ بٸرٸندە دەرٸگەر بولىپ جۇمىس ٸستەگەن. ول كٷيەۋٸنە پتر انىقتاما جاساپ بەرٸپ, ساتۋمەن اينالىسقان.
«كٷيەۋٸ «جايساڭ» شەكارا بەكەتٸندە رەسەيگە باراتىن جٷك كٶلٸكتەرٸنٸڭ جٷرگٸزۋشٸلەرٸنە پتر انىقتاما ۇسىنعان. انىقتالعانداي, جٷرگٸزۋشٸلەردٸڭ دەرەكتەرٸن جۇبايىنا جٸبەرٸپ, ال جۇبايى جالعان انىقتامانى كٷيەۋٸنە بەرٸپ وتىرعان. سوتقا دەيٸنگٸ تەرگەۋ بارىسىندا كٶرٸنەۋ جالعان پتر انىقتاما قولدانعان 10 ادام كۋەگەر رەتٸندە انىقتالىپ, ولاردان جاۋاپ الىندى.
اتالعان دەرەك بويىنشا قىلمىستىق كودەكستٸڭ «كٶرٸنەۋ جالعان قۇجاتتى پايدالانۋ» بابى بويىنشا تەرگەۋ امالدارى جٷرگٸزٸلٸپ جاتىر», - دەپ حابارلادى وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
