Aqtóbe politsiiasy jalǵan PTR anyqtamany satyp kelgen erli-zaiyptyny ustady, dep habarlaidy "Ult aqparat".
Politsiia qyzmetkerleri jedel is-sharalardy ótkizý barysynda 2020 jyldyń sońynan bastap jalǵan PTR anaqtamany satyp júrgen erli-zaiyptyny ustady. Aqtóbeniń 33 jastaǵy turǵyny men onyń áieli jasaǵan is áshkere boldy. Kelinshegi qaladaǵy meditsinalyq ortalyqtardyń birinde dáriger bolyp jumys istegen. Ol kúieýine PTR anyqtama jasap berip, satýmen ainalysqan.
«Kúieýi «Jaisań» shekara beketinde Reseige baratyn júk kólikteriniń júrgizýshilerine PTR anyqtama usynǵan. Anyqtalǵandai, júrgizýshilerdiń derekterin jubaiyna jiberip, al jubaiy jalǵan anyqtamany kúieýine berip otyrǵan. Sotqa deiingi tergeý barysynda kórineý jalǵan PTR anyqtama qoldanǵan 10 adam kýáger retinde anyqtalyp, olardan jaýap alyndy.
Atalǵan derek boiynsha Qylmystyq kodekstiń «Kórineý jalǵan qujatty paidalaný» baby boiynsha tergeý amaldary júrgizilip jatyr», - dep habarlady oblystyq PD baspasóz qyzmetiniń jetekshisi Erbolat Sarqulov.
