اقتٶبە پوليتسيياسى توي ٶتكٸزٸپ, ەسكە الۋ شاراسىن ۇيىمداستىرعانداردى انىقتادى, دەپ حابارلايدى "ۇلت اقپارات".
اقتٶبە وبلىسىنىڭ پد قىزمەتكەرلەرٸ 5 شٸلدەدەن باستاپ كارانتين تالابىنىڭ ورىندالۋىن باقىلاۋ ماقساتىندا رەيدكە شىقتى. تەكسەرۋ نەتيجەسٸندە پوليتسەيلەر ەقبتك-نٸڭ 425-بابى بويىنشا 316 زاڭ بۇزۋشىلىقتى انىقتادى. سالتاناتتى جەنە ەسكە الۋ شاراسىن ٶتكٸزگەن 24 فاكتٸ تٸركەلدٸ. ونىڭ ٸشٸندە دەمالىس ايماعىندا ٷيلەنۋ تويىن ٶتكٸزگەندەر جازالاندى.
«دٷكەن, دەمحانا, مونشا, شاشتاراز بەن سۇلۋلىق سالوندارىنا قاتىستى 300-گە جۋىق قۇقىقبۇزۋشىلىق انىقتالدى. كەسٸپكەرلٸك سۋبەكتٸلەرٸ كارانتين رەجيمٸن ساقتامادى, سانيتارييا تالابىن ەسكەرمەدٸ. مىسالى, 2 تامىزدا ۋچاسكەلٸك پوليتسييا ينسپەكتورى اقتٶبە قالاسىنداعى دەمحانالاردىڭ بٸرٸ ساعات 22:00-دەن كەيٸن جۇمىس ٸستەگەنٸن تٸركەدٸ. ٸس بويىنشا ەكٸمشٸلٸك حاتتاما تولتىرىلىپ, وبلىستىق تاۋارلار مەن قىزمەتتەردٸڭ قاۋٸپسٸزدٸگٸ مەن ساپاسىن باقىلاۋ دەپارتامەنتٸنە شارا قابىلداۋ ٷشٸن جٸبەرٸلدٸ.
پوليتسييا دەپارتامەنتٸ اقتٶبەلٸكتەردٸ كارانتين رەجيمٸن ساقتاۋعا, بۇقارالىق ٸس-شارالاردى ٶتكٸزبەۋگە جەنە ولارعا قاتىسپاۋعا, سونداي-اق قوعامدىق, ادام كٶپ جينالاتىن ورىندارعا بارعان كەزدە قاجەتتٸ قورعانۋ قۇرالدارىنىڭ بارلىعىن قولدانۋعا شاقىرادى», - دەپ حابارلادى وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
