اقتٶبەدە اقىن تٶلەگەن ايبەرگەنوۆ پەن كومپوزيتور شەمشٸ قالداياقوۆقا ارنالعان ەسكەرتكٸش جەنە ەسكەرتكٸش بيۋست ورناتىلدى, دەپ حابارلايدى قازاقپارات.
اقتٶبەدە «ەدەبيەت. رۋح. قوعام» اتتى ەكٸ كٷندٸك رەسپۋبليكالىق ەدەبي فورۋم ٶتتٸ. وعان جازۋشىلار وداعىنىڭ تٶراعاسى ۇلىقبەك ەسدەۋلەت, اقىن ەلەنا ەبدٸحالىقوۆا, اقىن باۋىرجان جاقىپ, قر جازۋشىلار وداعىنىڭ مٷشەسٸ مەرەكە قۇلكەنوۆ, كومپوزيتور قۇرمانەلٸ قالدىبەك, مەدەنيەت جەنە سپورت مينيسترلٸگٸنٸڭ ٶكٸلدەرٸ قاتىستى.
«مەن سٸزدەردٸ قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىن مەرەكەلەۋ قارساڭىندا, «رۋحاني جاڭعىرۋ« باعدارلاماسى اياسىندا ۇيىمداستىرىلعان دەستٷرلٸ «ەدەبيەت. رۋح. قوعام« فورۋمىندا كٶرگەنٸمە قۋانىشتىمىن. «الاش« قوزعالىسىنىڭ كٶشباسشىسى احمەت بايتۇرسىنوۆتىڭ «ٶز تٸلٸندە سٶيلەيتٸن جەنە ٶز ەدەبيەتٸ بار حالىق قانا دەربەس ٶمٸرگە ٷمٸتكەر بولا الاتىنىن ەشقاشان ۇمىتپاۋىمىز كەرەك« دەگەن سٶزٸن ەستە ۇستاساق, فورۋمنىڭ باستى ماقساتى قازاق ەدەبيەتٸندە ەلەۋلٸ ٸز قالدىرعان اقتٶبە ٶڭٸرٸنٸڭ كٶرنەكتٸ تۇلعالارىنىڭ ەسٸمدەرٸن تانىمال ەتۋ. سونداي-اق جاڭا تالانتتاردى انىقتاۋ بولىپ تابىلادى», - دەدٸ وبلىس ەكٸمٸ وڭداسىن ورازالين. سوڭعى جىلدارى اقتٶبەدە التىن وردا دەۋٸرٸنٸڭ قولباسشىسى جەنە مەملەكەت قايراتكەرٸ ەر ەدٸگەنٸڭ, ۇلى ويشىل اباي قۇنانباەۆتىڭ ەسكەرتكٸشتەرٸ اشىلدى.
كيەلٸ نىساندار, ونىڭ ٸشٸندە ابات بايتاق, حان مولاسى, دوسجان حازٸرەت كەسەنەلەرٸ جٶندەلدٸ. ەكٸ جىل بۇرىن تەمٸر اۋدانىنداعى تاسقوپا قورىمىنان تابىلعان التىن ادامنىڭ كيٸمدەرٸ قالپىنا كەلتٸرٸلدٸ. بەلگٸلٸ عالىمدار مەن قوعام قايراتكەرلەرٸنٸڭ قاتىسۋىمەن عىلىمي-پراكتيكالىق كونفەرەنتسييالار ٶتكٸزٸلدٸ. اقتٶبە وبلىسىنان شىققان اتاقتى اقىندار مەن جازۋشىلاردىڭ ٷزدٸك شىعارمالارىنىڭ جيناعى شىعارىلدى. ال ەكٸ كٷندٸك فورۋم اياسىندا «ەدٸگە دەگەن ەر ەكەن» اتتى رەسپۋبليكالىق جىرشىلار بايقاۋى, تابىلدى دوسىموۆ اتىنداعى بارد ەندەرٸن ورىنداۋشىلاردىڭ رەسپۋبليكالىق كونكۋرسى جەنە باسقا دا ٸس-شارالار ٶتتٸ. سونىمەن قاتار رەسپۋبليكالىق ەدەبي بايقاۋدىڭ 10 نوميناتسييا بويىنشا جەڭٸمپازدارى ماراپاتتالدى. ولارعا تٶلەگەن ايبەرگەنوۆ, ساعي جيەنباەۆ, ٶتەجان نۇرعاليەۆ, توبىق جارماعامبەتوۆ, قاجىعالي مۇحامبەتقاليۇلى, تاحاۋي احتانوۆ, بەكٸر تەجٸباەۆ, ٷمبەتباي ۋايدين, قۋاندىق شاڭعىتباەۆ, ٸزتاي مەمبەتوۆ سيياقتى شىعارمالارى قازاق ەدەبيەتٸنٸڭ كلاسسيكاسىنا ەنگەن كٶرنەكتٸ اقتٶبەلٸك اقىندار مەن جازۋشىلار اتىنداعى ستيپەندييالار تابىس ەتٸلدٸ.
سونىمەن بٸرگە كومپوزيتور شەمشٸ قالداياقوۆ پەن اقىن تٶلەگەن ايبەرگەنوۆكە ارنالعان ەسكەرتكٸشتەردٸڭ اشىلۋ سالتاناتى ٶتتٸ. وعان شەمشٸ قالداياقوۆتىڭ ەپكەسٸ رايحان دومباەۆا جەنە اقىن تٶلەگەن ايبەرگەنوۆتٸڭ قىزى ماحاببات ايبەرگەنوۆا قاتىستى. ەسكەرتكٸشتەر قالا ورتالىعىندا – اعايىندى جۇبانوۆتار كٶشەسٸ بويىنداعى عاشىقتار اللەياسىندا ورنالاسقان. تٶلەگەن ايبەرگەنوۆ ەسكەرتكٸش بيۋستٸنٸڭ بيٸكتٸگٸ - 3,2 مەتر. شەمشٸ قالداياقوۆتىڭ ەسكەرتكٸشٸ كومپوزيتوردىڭ قولىنا مۋزىكالىق اسپاپتى العان كٷيٸ ورىندىققا وتىرعانى بەينەلەگەن.
