فوتو: اشىق دەرەككٶز
اقتٶبەدە سەبيٸن تاستاپ كەتكەن ەيەل تابىلدى, دەپ حابارلايدى "ۇلت اقپارات" Polisia.kz Telegram ارناسىنا سٸلتەمە جاساپ.
بۇعان دەيٸن بەلگٸلٸ بولعانداي, 19 جەلتوقسان ساعات 22:05-تە پوليتسيياعا عازيزا جۇبانوۆا كٶشەسٸندەگٸ كٶپقاباتتى ٷيدٸڭ جانىنان قاعاز قوراپقا سالىنعان بالانىڭ ٶلٸ دەنەسٸ تابىلعانى تۋرالى حابارلاما تٷسكەن.
"جەدەل-ٸزدەستٸرۋ ٸس-شارالارى بارىسىندا 29 جاستاعى كٷدٸكتٸ انىقتالىپ, ۇستالدى. جاۋاپ الۋ بارىسىندا ونىڭ ەكٸ كەمەلەتكە تولماعان بالاسى بار ەكەنٸ انىقتالدى. سوت-مەديتسينالىق ساراپتاما تاعايىندالدى" - دەيدٸ اقتٶبە وبلىسى پد جسكب باسشىسى ەربولات سارقۇلوۆ.
