اقتٶبە وبلىسى, ىرعىز اۋدانىنىڭ تۇرعىنى ا.سقاقوۆ ماس كٷيٸندە پوليتسييا قىزمەتكەرلەرٸنە ۇستالىپ قالعان. 29 جاستاعى ەسەپشٸ ٶزٸن ۇستاعان پوليتسەيدٸ بالاعاتتاپ, كەيٸن بەتٸنە تٷكٸرٸپ جٸبەرگەنٸ ٷشٸن جازالاندى, دەپ حابارلايدى قازاقپارات تٸلشٸسٸ.
اقتٶبەنٸڭ ىرعىز اۋداندىق سوتىندا ايىتالۋشى ا.سقاقوۆقا قاتىستى قىلمىستىق ٸس قارالدى. اۋداندىق ٶنەر مەكتەبٸنٸڭ ەسەپشٸسٸنە قىلمىستىق كودەكستٸڭ «بيلٸك ٶكٸلٸن قورلاۋ» بابى بويىنشا ايىپ تاعىلدى. ٸس ماتەريالىنا سٷيەنسەك, 2018 جىلدىڭ ماۋسىم ايىندا ايىپتالۋشى كٶشەدە ماس كٷيٸندە جٷرٸپ, پوليتسييا قىزمەتكەرلەرٸنە ۇستالادى. سول كەزدە پوليتسەيلەر 29 جاستاعى ەسەپشٸنٸڭ ٸشٸمدٸك ٸشكەنٸن انىقتاۋ ٷشٸن ونى اۋداندىق اۋرۋحاناعا جەتكٸزەدٸ. تەكسەرٸستەن سوڭ ٸشكٸ ٸستەر بٶلٸمٸنە كٸرەر كەزدە ايىپتالۋشى ا.سقاقوۆ قىزمەتتٸك مٸندەتٸن اتقارىپ تۇرعان پوليتسييا قىزمەتكەرلەرٸن بالاعاتتاپ, بەتٸنە تٷكٸرٸپ جٸبەرگەن.
سوت وتىرىسىندا ا.سقاقوۆ ٶزٸنە تاعىلعان ايىپتى تولىق مويىنداپ, بيلٸك ٶكٸلٸنٸڭ ٶز قىزمەتتٸك مٸندەتٸن اتقارۋ كەزٸندە بالاعاتتاپ, قورلاۋ سٶزدەرٸن ايتقانىن راستاپ, ٸس-ەرەكەتٸنە شىن جٷرەكتەن ٶكٸنەتٸنٸن, كٸنەسٸن تولىق مويىندايتىنىن, ەندٸ قايتالامايتىنىن كٶرسەتٸپ, سوتتان جەڭٸل جازا تاعايىنداۋدى سۇرادى. ال مەديتسينالىق تەكسەرۋ قورىتىندىسى كەزٸندە ايىپتالۋشىنىڭ ٸشٸمدٸك ٸشٸپ, ماريحۋانا شەككەندٸگٸ انىقتالدى.
«ا.سقاقوۆ قىلمىستىق كودەكستٸڭ «بيلٸك ٶكٸلٸن قورلاۋ» بابى بويىنشا كٸنەلٸ دەپ تانىلىپ, جازا رەتٸندە 35 ايلىق ەسەپتٸك كٶرسەتكٸش مٶلشەرٸندە, ياعني, 84 175 تەڭگە ايىپپۇل سالىنسىن. ا.سقاقوۆ سوت ٷكٸمٸ زاڭدى كٷشٸنە ەنگەن كٷننەن باستاپ بٸر اي ٸشٸندە ايىپپۇلدى تٶلەۋگە مٸندەتتٸ», - دەدٸ سۋديا س.ماحامبەتوۆ.
