سوڭعى تەۋلٸكتە اقتٶبەدە تاعى 6 ادامنان كوروناۆيرۋس ينفەكتسيياسى انىقتالدى. پەرزەنتحانا دەرٸگەرٸ ٸندەتكە شالدىقتى دەگەن كٷدٸكپەن اۋرۋحاناعا جاتقىزىلدى, - دەپ حابارلايدى "ۇلت اقپارات".
اقتٶبە وبلىسى بويىنشا 349 ادامدا كوروناۆيرۋس ينفەكتسيياسى تٸركەلسە, ونىڭ 277-ٸ ٷيٸنە شىعارىلدى. ٶزگەسٸ ەم الىپ جاتىر.
«بٷگٸنگٸ كٷنگە دەيٸن 34 بالا ٸندەتكە شالدىقسا, ونىڭ 25-ٸ جازىلىپ شىقتى. ينفەكتسييالىق ستاتسيوناردا 9 بالا بار. ٸندەت جۇقتىرعان ەرەسەكتەردٸڭ بەسەۋٸ - جانساقتاۋ بٶلٸمٸندە بولسا, ونىڭ ەكەۋٸ جاساندى تىنىس الۋ اپپاراتىنا قوسىلعان», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
سوڭعى تٸركەلگەن دەرەك بويىنشا تاعى 6 ادامنان ۆيرۋس انىقتالدى. قازٸر پەرزەنتحانا دەرٸگەرٸ دە ۆيرۋس جۇقتىردى دەگەن كٷدٸكپەن اۋرۋحاناعا جەتكٸزٸلگەن.
«وبلىستىق پەريناتالدىق ورتالىق دەرٸگەرٸ ۆيرۋس جۇقتىردى دەپ كٷمەندانىپ وتىرمىز. ول اۋرۋحاناعا جاتقىزىلىپ, باقىلاۋعا الىندى. جانىندا بولعان ادامدار ٷيٸندە كارانتيندە جاتىر. قازٸر كەز كەلگەن اۋرۋحانا كارانتين رەجيمٸندە جۇمىس ٸستەيدٸ. جالپى ٶڭٸردە 15 مىڭنان استام مەديتسينا قىزمەتكەرٸ بار بولسا, ونىڭ 14 مىڭنان استامى سىناما تاپسىرىپ, تەكسەرٸلدٸ», - دەدٸ باسقارما باسشىسى.
