Sońǵy táýlikte Aqtóbede taǵy 6 adamnan koronavirýs infektsiiasy anyqtaldy. Perzenthana dárigeri indetke shaldyqty degen kúdikpen aýrýhanaǵa jatqyzyldy, - dep habarlaidy "Ult aqparat".
Aqtóbe oblysy boiynsha 349 adamda koronavirýs infektsiiasy tirkelse, onyń 277-i úiine shyǵaryldy. Ózgesi em alyp jatyr.
«Búgingi kúnge deiin 34 bala indetke shaldyqsa, onyń 25-i jazylyp shyqty. Infektsiialyq statsionarda 9 bala bar. Indet juqtyrǵan eresekterdiń beseýi - jansaqtaý bóliminde bolsa, onyń ekeýi jasandy tynys alý apparatyna qosylǵan», - dedi oblystyq densaýlyq saqtaý basqarmasynyń basshysy Áset Qaliev.
Sońǵy tirkelgen derek boiynsha taǵy 6 adamnan virýs anyqtaldy. Qazir perzenthana dárigeri de virýs juqtyrdy degen kúdikpen aýrýhanaǵa jetkizilgen.
«Oblystyq perinataldyq ortalyq dárigeri virýs juqtyrdy dep kúmándanyp otyrmyz. Ol aýrýhanaǵa jatqyzylyp, baqylaýǵa alyndy. Janynda bolǵan adamdar úiinde karantinde jatyr. Qazir kez kelgen aýrýhana karantin rejiminde jumys isteidi. Jalpy óńirde 15 myńnan astam meditsina qyzmetkeri bar bolsa, onyń 14 myńnan astamy synama tapsyryp, tekserildi», - dedi basqarma basshysy.
