اقتٶبەدە پەتەر ٶرتەنٸپ, 13 ادام قۇتقارىلدى. بٸر ادامنىڭ دەنەسٸ تابىلدى, دەپ حابارلايدى قازاقپارات.
وبلىستىق تجد كەزەكشٸ بٶلٸمٸنە اقتٶبە قالاسى 11 شاعىن اۋدانداعى 9 قاباتتى تۇرعىن ٷيدٸڭ بٸرٸنەن ٶرت شىققاندىعى تۋرالى حابارلاما تٷستٸ. شاقىرتۋ ورنىنا بارعان ٶرت سٶندٸرۋشٸلەر بٸرٸنشٸ قاباتتاعى پەتەردەن ٶرت شىققانىن انىقتاپ, قۇتقارۋ جۇمىستارىنا كٸرٸستٸ.
«ٶرتتٸڭ اۋدانى - 15 شارشى مەتر. جالپى 32 قىزمەتكەر, 8 بٸرلٸك تەحنيكا جۇمىلدىرىلدى. قاتتى تٷتٸن سالدارىنان جوعارعى قاباتتا تۇراتىن 13 ادام باسپالداق مارشى ارقىلى تٶمەن تٷسٸرٸلدٸ. ونىڭ ٸشٸندە 5 بالا قۇتقارىلدى. سونداي-اق, 60 ادام, ونىڭ ٸشٸندە 9 بالا ەۆاكۋاتسييالاندى. وقيعا ورنىنان 1963 جىلى تۋعان ەر ادامنىڭ دەنەسٸ تابىلدى. ٶرتتٸڭ شىعۋ سەبەبٸ انىقتالىپ جاتىر»,- دەپ حابارلادى وبلىستىق تجد باسپاسٶز قىزمەتٸ.
اقتٶبە وبلىسىنىڭ تجد تۇرعىندارعا تۇرمىستاعى ٶرت قاۋٸپسٸزدٸگٸن ساقتاۋدى جەنە ٶرت بولعان جاعدايدا دەرەۋ 101 نەمەسە 112 نومەرٸنە حابارلاسۋدى سۇرايدى.
