اقتٶبەنٸڭ ىرعىز اۋدانىندا ٶزبەكستان ازاماتتارى مٸنگەن اۆتوبۋس ٸستەن شىقتى. ولار رەسەيدٸڭ ۋفا قالاسىنا بارا جاتقان, دەپ حابارلايدى قازاقپارات تٸلشٸسٸ وبلىستىق تجد باسپاسٶز قىزمەتٸنە سٸلتەمە جاساپ.
اقتٶبەدە ٶزبەكستان ازاماتتارى مٸنگەن اۆتوبۋس تاعى دا ٸستەن شىقتى. بۇل جولى ولاردى تٶتەنشە جاعدايلار قىزمەتٸ قۇتقارىپ قالدى. بارلىعى 53 جولاۋشى دٸن امان, ولار جىلىتۋ بەكەتتەرٸنە جەتكٸزٸلدٸ.
«كەشە كەشكٸلٸك «اقتٶبە - ىرعىز» تاسجولىنىڭ 306 شاقىرىمى, قالىباي اۋىلىنان 24 شاقىرىم جەردە «شىمكەنت-ۋفا» باعىتى بويىنشا جولعا شىققان «سەترا» ماركٸلٸ اۆتوبۋسى تەحنيكالىق اقاۋعا بايلانىستى جولدا تۇرىپ قالدى. اۆتوبۋس ٸشٸندە قازاقستاننىڭ ٷش جٷرگٸزۋشٸسٸ جەنە 53 جولاۋشى بولدى. جولاۋشىلاردىڭ بەرٸ ٶزبەكستان ازاماتى. ونىڭ تٶرتەۋٸ بالا. اقتٶبە وبلىسىنىڭ تجد «اپاتتار مەديتسيناسى ورتالىعى» كٷشٸمەن اۆتوبۋستاعى 53 جولاۋشى قۇتقارىلدى. ولاردىڭ ٸشٸندە 26 جولاۋشى «جپۋ-10» جىلىتۋ بەكەتٸنە جەنە 27 جولاۋشى «قالىباي» تراسسالىق مەديتسينالىق قۇتقارۋ بەكەتٸنە ورنالاستىرىلدى», - دەپ حابارلايدى وبلىستىق تجد باسپاسٶز قىزمەتٸ.
«قازاۆتوجول» قىزمەتٸ تەحنيكالىق اقاۋى بار اۆتوبۋستى قالىباي اۋىلىنا جەتكٸزدٸ. ال اۆتوبۋس جٷرگٸزۋشٸلەرٸ جىلىتۋ بەكەتٸنە ورنالاستىرىلدى. كەيٸن اۆتوبۋستىڭ بارلىق جولاۋشىسى قالىباي اۋىلىنىڭ «ايات» كافەسٸنە جەتكٸزٸلگەن. نەگٸزٸنەن قىس ماۋسىمى باستالعاننان بەرٸ 6 وقيعا تٸركەلٸپ, 147 ادام قۇتقارىلدى.
ەسكە سالساق, 18 قاڭتار كٷنٸ «يكارۋس» ماركالى اۆتوبۋس شىمكەنتتەن رەسەيدٸڭ قازان قالاسىنا بەت الىپ, تٷگەل ٶرتەنٸپ كەتكەن بولاتىن. ٷكٸمەتارالىق كوميسسييا ٶرتتٸڭ شامنان تۇتانعانىن, اۆتوبۋس ٸشٸندە بەنزين تولى ارنايى قۇتى بولعانىن انىقتادى. وقيعا سالدارىنان 52 جولاۋشى كٶز جۇمىپ, 5 ادام جارالاندى. بۇل قايعىلى وقيعا دا ىرعىز اۋدانىنىڭ قالىباي اۋىلىنان 10 شاقىرىم قاشىقتىقتا تٸركەلدٸ.
