ق.جۇبانوۆ اتىنداعى اقتٶبە ٶڭٸرلٸك مەملەكەتتٸك ۋنيۆەرسيتەتٸندە «قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.ە.نازارباەۆتىڭ ستراتەگيياسى – ايماقتىق دامۋدىڭ درايۆەرٸ» حالىقارالىق عىلىمي-تەجٸريبەلٸك كونفەرەنتسيياسى ٶتتٸ.
شارانىڭ ماقساتى – قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.ە. نازارباەۆتىڭ قازاقستاننىڭ ايماقتارىن دامىتۋ بويىنشا ستراتەگيياسىنىڭ ماڭىزىن كٶرسەتۋ; شەتەلدٸك جەنە وتاندىق ساراپشىلار قوعامداستىعىنىڭ پٸكٸرٸن تالقىلاۋ ٷدەرٸسٸندە ايماقتىق سەتتٸ دامۋدىڭ فاكتورى رەتٸندە باتىس قازاقستاننىڭ ەكونوميكالىق, ەلەۋمەتتٸك-ساياسي, رۋحاني-مەدەني ەلەۋەتٸن دامىتۋ تۋرالى بٸلٸمدٸ كەڭەيتۋ.
كونفەرەنتسييا جۇمىسىنا ەلەمنٸڭ 15 مەملەكەتٸنەن, سونىڭ ٸشٸندە قحر, وڭتٷستٸك كورەيا, تٷركييا رەسپۋبليكاسى, يندييا رەسپۋبليكاسى, رەسەي فەدەراتسيياسى, ٶزبەكستان, قىرعىزستان ەلدەرٸنەن, سونىمەن قاتار, قازاقستاننىڭ جيىرما جوعارى وقۋ ورنىنان كەلگەن 126 عالىم قاتىستى.
- اقتٶبەدە پرەزيدەنت نۇرسۇلتان نازارباەۆتىڭ تەۋەلسٸز قازاقستاننىڭ قالىپتاسۋى مەن ٶركەندەۋٸندەگٸ رٶلٸ تۋرالى كونفەرەنتسييا ٶتكٸزۋ بٸز ٷشٸن ٷلكەن قۋانىش ەرٸ قۇرمەت. جۋىردا بٸز تەۋەلسٸزدٸگٸمٸزدٸڭ 27 جىلدىعىن اتاپ ٶتەمٸز. قازاقستان وسىنداي قىسقا تاريحي كەزەڭ ٸشٸندە ۇلت كٶشباسشىسىنىڭ دانا ساياساتىنىڭ ارقاسىندا بٷكٸل ەلەمگە تانىلدى. كونفەرەنتسيياعا قاتىسۋشىلاردىڭ بارلىعى ٶزدەرٸ ٷشٸن جاڭا دٷنيەلەردٸ اشادى دەپ سەنەمٸن. شىنىندا, پٸكٸر الماسۋ, پٸكٸرتالاستار مەن ديالوگ بارىسىندا جاقسى يدەيالار پايدا بولادى, - دەدٸ اقتٶبە وبلىسىنىڭ ەكٸمٸ بەردٸبەك ساپارباەۆ سەلەمدەسۋ سٶزٸندە.
ٶڭٸر باسشىسى سونداي-اق, اقتٶبەلٸك جاستاردى ۇلتتىق سالت-دەستٷردٸ ساقتاپ, زاماناۋي جوعارى بٸلٸم الۋعا, بەسەكەلەستٸككە قابٸلەتتٸ مامان جەنە وتانىنىڭ پاتريوتى بولۋعا شاقىردى.
ەلباسى كٸتاپحاناسى ديرەكتورىنىڭ بٸرٸنشٸ ورىنباسارى, ساياسي عىلىمدارىنىڭ دوكتورى, پروفەسسور ەمٸرحان راحىمجانوۆ «پرەزيدەنت نۇرسۇلتان نازارباەۆتىڭ قازاقستان ٶڭٸرلەرٸنٸڭ دامۋى جٶنٸندەگٸ ستراتەگيياسى» تاقىرىبىندا بايانداما جاسادى.
- تاريحي ٷدەرٸستٸڭ تۇرعىسىنان العاندا, 27 جىل قىسقا ۋاقىت كەزەڭٸ بولىپ تابىلادى, بٸراق ەلدٸڭ ساياسي, ەكونوميكالىق جەنە ەلەۋمەتتٸك سالالارىنداعى ٶزگەرٸستەر قارقىنىنىڭ ٶسكەنٸ سونشالىق, بۇل ٶزگەرٸستەردٸڭ اۋقىمى 90-جىلداردىڭ باسىندا جاس مەملەكەتتٸڭ العاشقى قادامدارىنا كۋە بولعان ادامداردى تاڭ قالدىرماي قويمايدى. پرەزيدەنت جٷرگٸزٸپ وتىرعان ساياساتتىڭ نەگٸزگٸ پوستۋلاتى ەرقاشان ەلدەگٸ بەيبٸتشٸلٸك پەن كەلٸسٸمدٸ ساقتاۋ بولدى. العاشقى كٷندەردەن باستاپ رەفورمالاردىڭ ەلەۋمەتتٸك باعدارلانۋىنا باسا نازار اۋدارىلدى. مەملەكەت باسشىسىنا شەشٸمدەردٸ ۋاقىتىلى قابىلداۋعا, ۋاقىتتىڭ قيىندىقتارىنا جاۋاپ بەرۋگە, جاعدايدى ٶتە قيىن كەزدە تٷزەتۋگە تۋرا كەلدٸ. سونىمەن بٸرگە نۇرسۇلتان نازارباەۆ ەرقاشان جاۋاپكەرشٸلٸكتٸ ٶزٸنە الدى, - دەدٸ پروفەسسور.
ٶز سٶزٸندە ول كونفەرەنتسييانى قازاقستان ەلورداسىنىڭ 20 جىلدىعىن مەرەكەلەۋ جىلى ٶتكٸزۋدٸڭ سيمۆولدىعىن اتاپ ٶتتٸ.
- استانا جيىرما جىل ٸشٸندە تەۋەلسٸز قازاقستاننىڭ تابىسى مەن گٷلدەنۋٸنٸڭ نىشانىنا اينالدى. وسى مٷمكٸندٸكتٸ پايدالانا وتىرىپ, ەلوردا تۇرعىنى رەتٸندە اقتٶبەلٸكتەرگە استانا مەرەيتويىنا تارتۋ ەتكەن بٸرەگەي سىيلىق - «بەيبٸتشٸلٸك قابىرعاسى» ەسكەرتكٸشٸ ٷشٸن العىس ايتامىن. ونىڭ اشىلۋ رەسٸمٸ حالىقارالىق يادرولىق سىناققا قارسى ەرەكەت كٷنٸ ٶتتٸ. مەملەكەت باسشىسى استانادا ورناتىلعان بٸرەگەي ەسكەرتكٸشتٸڭ تاريحىمىزدىڭ ساباقتارىن بٸلٸپ, ەستە ساقتاۋعا, بٸزدٸڭ ٶز جەرٸمٸزدە قۇرعان بەيبٸتشٸلٸك پەن يگٸلٸكتٸ قۇرمەتتەۋگە شاقىرۋ بولىپ تابىلاتىنىن اتاپ ٶتتٸ. «بەيبٸتشٸلٸك قابىرعاسى» - بۇل زامانداستارعا بەيبٸتشٸلٸك قۇندىلىقتارى مەن ٶتكەننٸڭ قايعىلى بەتتەرٸنٸڭ قايتالانۋىنا جول بەرمەۋ تۋرالى تاعى بٸر ەسكەرتۋ. 11 قازاندا ەلەمدٸك جەنە دەستٷرلٸ دٸندەر كٶشباسشىلارىنىڭ 6-شى سەزٸ اياسىندا «بەيبٸتشٸلٸك» سٶزٸ 51 تٸلدە جازىلعان «بەيبٸتشٸلٸك قابىرعاسىندا» تٷرلٸ دٸن ٶكٸلدەرٸ وسى جەردەگٸ بەيبٸتشٸلٸك پەن كەلٸسٸم ٷشٸن قاسيەتتٸ دۇعالارىن وقىدى,- دەيدٸ ەمٸرحان راحىمجانوۆ .
كونفەرەنتسيياعا قاتىسۋشىلار قازاقستان ايماقتارىن دامىتۋ بويىنشا ن.ە.نازارباەۆ ستراتەگيياسىنىڭ مەنمەتٸنٸندە ەلەمدٸك قوعامداستىقتاعى قازاقستاننىڭ بەدەلٸ مەن حالىقارالىق مەرتەبەسٸن ارتتىرۋ فاكتورى رەتٸندە تۇڭعىش پرەزيدەنت – ەلباسىنىڭ ٸشكٸ ساياسي باستامالارى مەن ەتنيكاارالىق, كونفەسسيياارالىق كەلٸسٸم مەن رۋحاني دامۋ, «پرەزيدەنتتٸڭ بەس ەلەۋمەتتٸك باستاماسى» جوباسى, مەملەكەت باسشىسىنىڭ «بولاشاققا باعدار: قوعامدىق سانانى جاڭعىرتۋ» باعدارلامالىق ماقالاسىن جٷزەگە اسىرۋ سالاسىنداعى عىلىمي زەرتتەۋلەر نەتيجەسٸن تالقىلادى.
ٸس-شارا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى كٸتاپحاناسىنىڭ «ن. نازارباەۆ: دەۋٸر, تۇلعا, قوعام» كٶشپەلٸ كٶرمە جوباسى اياسىندا ٶتكٸزٸلدٸ. جوبا بويىنشا اۋقىمدى عىلىمي-بٸلٸم بەرۋ جەنە مەدەني-اعارتۋ شارالارى, سونىمەن قاتار اقتٶبەوبلىسى بويىنشا كٶشپەلٸ ەكسكۋرسييالار ۇيىمداستىرىلادى. جوبا ەلباسى كٸتاپحاناسىنىڭ جيناقتارىنان ۇسىنىلعان قور كٶرمەسٸنە نەگٸزدەلگەن. كٶرمە 14 قاراشادان باستاپ اقتٶبە وبلىستىق تاريحي-ٶلكەتانۋ مۇراجايىنىڭ جاڭا عيماراتىندا ەكسپوناتتالۋدا. اقتٶبەتۇرعىندارى مەن قوناقتارى 2019 جىلعى قاڭتار ايىنىڭ سوڭىنا دەيٸن كٶرمەنٸ تەگٸن تاماشالاي الادى.
