اقتٶبە وبلىسى شالقار قالاسىندا بولعان تٶبەلەستەن كەيٸن مەكتەپ وقۋشىسى كٶز جۇمدى. الدىن الا مەلٸمەت بويىنشا, ونى جاسٶسپٸرٸم جاراقاتتاعان.
ەكٸ اۋداننىڭ بالالارى سەنبٸ كٷنٸ مۇز ايدىنى اشىلعان شالقار كٶلٸندە تٶبەلەس شىعاردى, دەپ جازادى ٶڭٸرلٸك "دياپازون" باسىلىمى. وسى كەزدە مەكتەپ وقۋشىلارىنىڭ بٸرٸن اياعىنان پىشاقپەن جاراقاتتاعان.
"جاسٶسپٸرٸم اۋداندىق اۋرۋحانانىڭ جانساقتاۋ بٶلٸمٸندە كٶز جۇمدى. بٸزدەگٸ مەلٸمەت بويىنشا, بۇل قورعانۋ ەرەكەتٸ بولدى. قازٸر بولعان جاعدايعا بايلانىستى كٷدٸككە ٸلٸنٸپ وتىرعان ونىنشى سىنىپ وقۋشىسى فۋتبولمەن, باسكەتبولمەن اينالىسادى, ٶزٸ جاقسى وقيدى", — دەدٸ №6 مەكتەپ ديرەكتورىنىڭ قىزمەتٸن اتقارۋشى ەلييا وسپانوۆا.
مارقۇم جاسٶسپٸرٸم بوكسپەن اينالىسقان. شالقارعا كٶشٸپ كەلگەنگە دەين اقتٶبەدەگٸ سپورتتىق شەبەرلٸك مەكتەبٸندە بٸلٸم العان.
وبلىستىق پوليتسييا دەپارتامەنتٸ ەزٸرگە بولعان جاعدايعا قاتىستى ەش مەلٸمەت بەرمەدٸ.
ەلييا وسپانوۆانىڭ ايتۋىنشا, اتا-انالار كٶپشٸلٸك دەمالاتىن ورىنداردا پوليتسييا قىزمەتكەرلەرٸنٸڭ كەزەكشٸلٸگٸن ۇيىمداستىرۋدى سۇراپ وتىر. ول جۋىردا مۇز ايدىنىندا قۇلاعان 11-سىنىپ وقۋشىسىنىڭ قۇلاعىن كونكيمەن بايقاماي كەسٸپ كەتكەنٸن ايتتى.
ايتا كەتسەك, ٸشكٸ ٸستەر مينيسترلٸگٸ جاسٶسپٸرٸمدەر ٸسٸ جٶنٸندەگٸ كوميتەتتٸڭ شۇعىل وتىرىسىن ٶتكٸزۋدٸ ۇسىندى. بۇعان جاسٶسپٸرٸمدەر اراسىندا تٶبەلەستٸڭ كٶبەيٸپ كەتۋٸ سەبەپ. قاڭتار ايىندا تٷركٸستان وبلىسىندا جوعارى سىنىپ وقۋشىلارى ٶزدەرٸنەن كٸشٸ بالالاردى تٸزەرلەتٸپ وتىرعىزىپ, باسىنان ۇرعان. ال قاراعاندىدا پيتستسەرييادا ورىن بەرگٸسٸ كەلمەگەن 11 جاسار بالانىڭ سوققىعا جىعىلعانى بەلگٸلٸ بولدى. سونداي-اق, پوليتسييا قىزىلوردادا بٸر جىل بۇرىن قاتارلاسىن دەرەتحانادا ۇرىپ-سوققان وقۋشىلاردى قولعا تٷسٸردٸ.
