اقتٶبەدە مەملەكەتتٸك قىزمەتكەر كەسٸپكەردٸ ۇرعان. وقيعا قوبدا اۋدانىندا بولدى, دەپ حابارلايدى "ۇلت اقپارات".
كاراوكەگە بارعان مەملەكەتتٸك قىزمەتكەر اقى تٶلەۋدەن باس تارتىپ, كەسٸپكەرگە قول جۇمساعان. قازٸر ول اۋرۋحانادا جاتىر.
«وقيعا 24 قىركٷيەكتەن 25 قىركٷيەككە قاراعان تٷنٸ بولدى. سول كٷنٸ ادام كٶپ بولعان جوق. ٶزٸم بەرٸن مونيتوردان قاراپ, قاۋپسٸزدٸكتٸ باقىلاپ وتىرامىن. كەلۋشٸلەردٸڭ بٸرٸ اقى تٶلەمەيمٸن دەپ ەسەپتەسۋدەن باس تارتتى. ٶزدەرٸن سالىق ورگانىنانمىز دەپ تانىستىردى. ٸشكە كٸرٸپ, كامەرادان قاراسام بٸرەۋٸ ەسٸك الدىندا دەرەت سىندىرىپ تۇر. قوعامدىق ورىندا بۇل قىلىقتارى ۇيات ەمەس پە? ەسكەرتۋ جاساعاندا بالاعات سٶزدەر ايتىلىپ, ۇرىس بولدى. سٶيتٸپ تۇرعاندا ەكٸنشٸسٸ وقىس كەلٸپ, جۇدىرىعىمەن بٸر ۇردى. ەسەڭگٸرٸپ قالدىم. ولار كٶلٸككە مٸنٸپ كەتٸپ قالعان, بٸز پوليتسييا شاقىردىق. ۇرىسقان كەزدە ٶزدەرٸنە ارناپ ٷستەل جايۋ كەرەك ەكەنٸن ايتتى. كەلەسٸ كٷنٸ ٷيگە, اۋرۋحانانا كەلٸپ كەشٸرٸم سۇرادى», - دەدٸ كەسٸپكەر شىنار قاميەۆا.
قوبدا اۋداندىق مەملەكەتتٸك كٸرٸستەر بٶلٸمٸنٸڭ باسشىسى بولات جەكەەۆتٸڭ ايتۋىنشا, كٷدٸكتٸ بولعان ت.ەمٸرعاليەۆ پەن د. بەيمەن سول كٷنٸ ون جىلعا جۋىق ۋاقىت جۇمىس ٸستەگەن قىزمەتتەرٸنەن ٶز ەرٸكتەرٸمەن شىعىپ كەتكەن.
«24 قىركٷيەك كٷنٸ قوبدا اۋدانىنىڭ ورتالىعىندا دەمحانا مەڭگەرۋشٸسٸ مەن تۇرعىننىڭ اراسى كەلٸسپەۋشٸلٸك بولدى. تۇرعىن دەمحانا ەكٸمشٸسٸن بٸر رەت بەتٸنەن ۇرعان. قازٸر وسى دەرەك بويىنشا قىلمىستىق كودەكستٸڭ 293-بابى, ياعني, بۇزاقىلىق بويىنشا تەرگەۋ جٷرٸپ جاتىر», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
