ەكٸ كٷن بويى اقتٶبە قالاسىن قوقىس پوليگونىنان شىققان تٷتٸن باسىپ, ەكولوگتار اۋاعا ازوت ديوكسيدٸنٸڭ كٶتەرٸلگەنٸن انىقتادى, دەپ حابارلايدى قازاقپارات.
اقتٶبەدە 24 قازان كٷنٸ قوقىس پوليگونى ٶرتەنٸپ, ول 25 قازاندا تاڭەرتەڭ سٶندٸرٸلگەن بولاتىن. اۋماعى 1200 شارشى مەتردٸ قۇرادى. سالدارىنان قالا ٸشٸن تٷتٸن باسىپ, وبلىستىق تٶتەنشە جاعدايلار دەپارتامەنتٸ قالا تۇرعىندارى مەن قوناقتارىن قاۋٸپسٸزدٸكتٸ ساقتاۋعا جەنە اسا قاجەت بولماسا دالاعا شىقپاۋعا شاقىرعان ەدٸ.
ەكولوگتار اۋانىڭ لاستانۋىن تەكسەردٸ.
«24 قازان كٷنٸ حابارلاما كەلدٸ. 24-25 قازاندا ينسپەكتورلار قوقىس پوليگونىنا بارىپ, جۇمىس ٸستەدٸ. كٶمٸرسۋرەكتٸڭ كٶتەرٸلگەنٸ انىقتالمادى. دەگەنمەن سول اۋماقتا ازوت ديوكسيدٸ كٶتەرٸلگەن. ال اقتٶبە قالاسىنا كٶمٸرسۋتەك پەن ازوت ديوكسيدٸنٸڭ تارالۋى تٸركەلگەن جوق», - دەدٸ اقتٶبە وبلىسى بويىنشا باس ەكولوگييا ينسپەكتورى تالاپ ۋسنادين.
ايتا كەتەيٸك, موراتورييگە بايلانىستى كەسٸپورىندى تەكسەرۋگە مٷمكٸندٸك جوق. سەبەبٸ تۇرعىنداردان ەشقانداي ارىز-شاعىم تٷسپەگەن.
«وبلىستىق ەكولوگييا دەپارتامەنتٸنە ارىز تٷسپەگەن سوڭ, بٸز دەل قازٸر تەكسەرۋ جۇمىستارىن جٷرگٸزە المايمىز. بٸراق وبلىستىق تجد-نٸڭ تەكسەرۋ جۇمىستارىنىڭ نەتيجەسٸن كٷتٸپ وتىرمىز. ولاردىڭ قورىتىندىسى شىققان سوڭ قانداي شەشٸم قابىلدايتىنىمىز بەلگٸلٸ بولادى. زاڭ بويىنشا ولار اۋانى لاستاعانى ٷشٸن ەكٸمشٸلٸك جاۋاپقا تارتىلادى», - دەدٸ تالاپ ۋسنادين.
