بٷگٸن اقتٶبەدە وبلىستاعى كەرٸس ۇلتىنىڭ باستاماسىمەن قازاق حالقىنا العىس رەتٸندە ورناتىلعان مٷسٸندٸك كومپوزيتسييانىڭ اشىلۋى بولدى, دەپ حابارلايدى قازاقپارات تٸلشٸسٸ.
مٷسٸندٸك كومپوزيتسييا تۇڭعىش پرەزيدەنت اتىنداعى ورتالىق ساياباقتاعى تۋتۇعىر ماڭىنا ورناتىلدى.
شاراعا وبلىس ەكٸمٸ وڭداسىن ورازالين, قازاقستان حالقى اسسامبلەياسى تٶراعاسىنىڭ ورىنباسارى مارات ەزٸلحانوۆ, ەتنو-مەدەني بٸرلەستٸكتەردٸڭ تٶراعالارى قاتىستى.
«وسىدان 85 جىل بۇرىن كەرٸستەر قيىر شىعىستا پويىزعا وتىرعىزىلىپ, قازاقستانعا كٷشتەپ قونىس اۋدارىلدى. سول كەزدە قازاقستان حالقى قيىن جاعدايدا بولعانىمەن, كەرٸستەرگە باسپانا, كيٸم-كەشەك, ازىق-تٷلٸك جاعىنان كٶمەك قولىن سوزىپ, ولاردى جاقىن كٶرشٸ, وتباسى مٷشەسٸ رەتٸندە قارسى الدى. سول كٷندەرٸ قولداۋ بٸلدٸرگەن جانداردىڭ قۇرمەتٸنە بٷگٸن مٷسٸندٸك كومپوزيتسييا ورناتىلدى», - دەپ اتاپ ٶتتٸ كورەيا رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ كۋ حونگ سوك.
ٶز كەزەگٸندە وبلىس ەكٸمٸ دە ٶز ريزاشىلىعىن بٸلدٸردٸ.
«العىس ايتۋ كٷنٸ – قازاقستاندىقتاردان قولداۋ تاپقان مەيٸرٸمدٸلٸكتٸڭ, ٶزارا سىيلاستىقتىڭ, دوستىق پەن ىنتىماقتاستىقتىڭ مەرەكەسٸ.
اقتٶبە وبلىسىندا العىس ايتۋ كٷنٸ بولعان جارقىن وقيعا – اتالمىش ەسكەرتكٸشتٸڭ اشىلۋى. بۇل بٸزدٸڭ حالىققا دەگەن شىنايى ريزاشىلىقتىڭ كۋەسٸ. قۇرمەتتٸ ەلشٸ, اقتٶبە ٶڭٸرٸنٸڭ تۇرعىندارى اتىنان سٸزگە جەنە سٸز ارقىلى كورەيا رەسپۋبليكاسىنىڭ بٷكٸل حالقىنا العىسىمدى بٸلدٸرەمٸن», - دەدٸ وبلىس ەكٸمٸ وڭداسىن ورازالين.
جينالعانداردى العىس ايتۋ كٷنٸمەن قازاقستان حالقى اسسامبلەياسى تٶراعاسىنىڭ ورىنباسارى مارات ەزٸلحانوۆ تا قۇتتىقتاپ, قازاقستان حالقى اسسامبلەياسى مەن ەتنومەدەني بٸرلەستٸكتەردٸڭ بٸرقاتار مٷشەسٸن ماراپاتتادى.
«اقتٶبە وبلىسىنىڭ كەرٸستەرٸ اتىنان قازاق حالقىنا العىس» مٷسٸندٸك كومپوزيتسيياسىندا قازاق جەنە كەرٸس ەيەلدەرٸنٸڭ مٷسٸندەرٸ بەينەلەنگەن. قازاق ەيەلٸ كەرٸس ەيەلٸنە قوناقجايلىلىقتىڭ بەلگٸسٸ رەتٸندە كەسەمەن قىمىز ۇسىنىپ تۇر. ال شاڭىراقتى ۇستاپ تۇرعان قۇستىڭ قوس قاناتى تاتۋلىقتىڭ بەلگٸسٸ ٸسپەتتٸ. كومپوزيتسييانىڭ جالپى بيٸكتٸگٸ – 4,7 مەتر, ەنٸ – 4,5 مەتر.
