فوتو: اشىق دەرەككٶز
اقتٶبە وبلىسى بويىنشا ەكونوميكالىق تەرگەۋ دەپارتامەنتٸمەن «Harmony Rider Technology» (HRT) ينۆەستيتسييالىق جوبا رەتٸندە جاسىرىلعان قارجى پيراميداسىنىڭ قىزمەتٸ توقتاتىلدى, دەپ حابارلايدى Ult.kz.
ٶزٸن ەلەكتروساموكاتتاردى جالعا بەرۋمەن اينالىساتىن امەريكالىق كومپانييا رەتٸندە تانىستىرعان بۇل ۇيىم ازاماتتارعا كٷن سايىن 12-دەن 690 اقش دوللارىنا دەيٸن تابىس تابۋدى ۋەدە ەتكەن.
سونداي-اق, جاڭا ينۆەستورلاردى تارتقانى ٷشٸن كريپتوۆاليۋتا تٷرٸندە بونۋستار ۇسىنىلعان. الايدا ٸس جٷزٸندە تٶلەمدەر جاڭا سالىمشىلاردىڭ قاراجاتىنان جٷزەگە اسىرىلىپ وتىرعان, بۇل قارجى پيراميداسىنىڭ ايقىن بەلگٸلەرٸن كٶرسەتەدٸ.
الاياقتىق سحەما سالدارىنان 100-دەن استام ادام زارداپ شەكتٸ. تارتىلعان قاراجاتتىڭ جالپى سوماسى 197 ملن تەڭگەنٸ قۇرادى. ۇرلانعان اقشا كريپتوۆاليۋتا ەميياندارىنا, سودان كەيٸن جەكە بانك شوتتارىنا اۋدارىلعان.
قىلمىستىق ٸس اياسىندا 70 ملن تەڭگەدەن استام سوماعا مٷلٸككە تىيىم سالىندى. تەرگەۋ اياقتالىپ, قىلمىستىق ٸس سوتقا جولداندى.
