اقتٶبە وبلىسى بويىنشا 2590 بالاعا ەكپە جاسالماعان. اتا-انالاردىڭ باس تارتۋى 2018 جىلى دا تٸركەلدٸ, دەپ حابارلايدى "ۇلت اقپارات".
اقتٶبەلٸكتەردٸڭ ٶمٸر سٷرۋ ۇزاقتىعى 73,6 جاسقا جەتتٸ. جىل ٶتكەن سايىن قالا تۇرعىندارىنىڭ سانى ارتىپ, اۋىل حالقى ازايىپ كەلەدٸ. ٶتكەن جىلى تۋۋ كٶرسەتكٸشٸ 2 پايىزعا ارتتى. ٶڭٸردە بٸر جىل ٸشٸندە 126 مىڭنان استام ادام دەرٸگەرگە قارالىپ ەم السا, ونىڭ 33 مىڭنان استامىنا وتا جاسالدى.
«ٶلٸم كٶرسەتكٸشٸ بويىنشا جٷرەك-قان تامىرلارى اۋرۋى, ٶكپە-تىنىس اۋرۋلارى مەن اسقازان دەرتٸ الدا تۇر. انا مەن بالانىڭ دەنساۋلىعىن قورعاۋعا دا كٶپ كٶڭٸل بٶلٸنەدٸ. ٶكٸنٸشكە قاراي, ٶتكەن جىلى 1 جاسقا دەيٸنگٸ بالالار اراسىنداعى ٶلٸم كٶرسەتكٸشٸ ارتىپ وتىر. قوبدا, مۇعالجار, بايعانين اۋداندارىندا جيٸ تٸركەلدٸ. بٸرٸنشٸدەن - ۇرىقتىڭ جەتٸلمەۋٸ, ەيەل دەنساۋلىعىنىڭ ناشارلىعى, ەكٸنشٸدەن - تۋابٸتتٸ اۋرۋ, ٷشٸنشٸدەن - جۇقپالى-پارازيتارلىق اۋرۋلار سەبەپ. كەيدە دەرٸگەرلەر ۋزد كەزٸندە دەرتتٸ انىقتاي الماي جاتادى. وبلىستىق پەرەناتالدىق ورتالىقتىڭ كلينيكا-دياگنوستيكا ورتالىعىندا ۋزد جاساۋ ورنى اشىلادى. جەكە كومپانييامەن كەلٸسٸم جاسالدى, ناۋرىز-سەۋٸر ايىندا جۇمىسقا كٸرٸسەدٸ», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
اقتٶبەدە قاتەرلٸك ٸسٸكتٸڭ الدىن الۋ ماقساتىندا قوسىمشا سكرينينگ ٸسكە قوسىلدى. 55 جاستان اسقان, 30 جىلدان استام ۋاقىت بويى تەمەكٸ تارتىپ جٷرگەن ادامدار تەكسەرٸلەدٸ. سەبەبٸ, ٶتكەن جىلى ٶكٸپەدەگٸ قاتەرلٸ ٸسٸكتەن 93 ادام كٶز جۇمدى. ەرٸ ەكپەدەن باس تارتقاندار سانى ارتىپ وتىر.
«اقتٶبە وبلىسى بويىنشا 2590 بالاعا ەكپە جاسالمادى. ولاردىڭ سانى تاعى 59 بالاعا ارتىپ وتىر. تەمٸر, مۇعالجار, بايعانين, العا, شالقار, حرومتاۋ اۋداندارى مەن اقتٶبە قالاسىندا مەسەلە بار. ەكٸ جىل بۇرىن ارنايى شتاب قۇرىلىپ, تٷسٸندٸرۋ جۇمىستارى جٷرگٸزٸلدٸ. ولارمەن كەزدەسۋدەن سوڭ ەكپە الىپ جاتىر. بٸراق جاڭا بوسانعان انالار كەيدە بالاسىنا ەكپە جاساتۋدان باس تارتادى. قر دەنساۋلىق ساقتاۋ مينيسترلٸگٸنە مەجبٷرلەپ ۆاكتسيناتسييالاۋدى ۇسىنعان ەدٸك. قازٸر تەك حالىققا تٷسٸندٸرۋمەن شەكتەلٸپ جٷرمٸز», - دەدٸ ەسەت قاليەۆ.
