پويىز استىنا تٷسٸپ, ەكٸ اياعىنان ايىرىلعان گٷلجانات بۇحارباەۆا كوميسسييا شەشٸمٸمەن كەلٸسپەي, قايتا تەكسەرۋدٸ سۇراپ وتىر, دەپ حابارلايدى قازاقپارات.
وسى جىلدىڭ 19 تامىزى كٷنٸ شالقار اۋدانىندا وقىس وقيعا تٸركەلگەن بولاتىن. 33 جاستاعى كەلٸنشەك پويىز استىنا تٷسٸپ, اۋىر جاعدايدا اۋرۋحاناعا جەتكٸزٸلدٸ. كەيٸن ونىڭ تۋعان-تۋىستارى تٷسٸنٸك بەردٸ. ارادا ەكٸ اي ٶتكەندە زارداپ شەككەن تەمٸرجولشى ەس جيىپ, كوميسسييا شەشٸمەن كەلٸسپەيتٸنٸن ايتىپ بەردٸ.
«ٷش بالانىڭ اناسىمىن, تەمٸرجولشىمىن. شالقار ستانساسىنىڭ كەزەكشٸسٸ بولىپ جۇمىس ٸستەيمٸن. وسى جىلدىڭ 19 تامىز كٷنٸ تٷنگٸ كەزەكشٸلٸكتەن شىعىپ, جولاۋشىلار پويىزىنىڭ استىنا تٷسٸپ قالدىم. ەكٸ اياعىمنان بٸردەي ايرىلدىم. ەكٸ ايدان بەرٸ ەندٸ ەسٸمدٸ جيىپ, ٶز-ٶزٸمە كەلٸپ جاتىرمىن. ەلٸ دە الدىمدا بٸرنەشە وتا كٷتٸپ تۇر. بۇل وقيعا قالاي بولدى? كٸم كٸنەلٸ? بۇل سۇراقتارعا جاۋاپتى ٶزٸمنەن ارتىق ەشكٸم بٸلمەيدٸ.
تەمٸرجولدىڭ جۇمىسى ٶتە اۋىر, ميىڭ تىنىقپاسا بولمايدى. ال مەن سوڭعى اپتادا قاتارىنان 5 كٷن تٷنگٸ كەزەكشٸلٸكتە تۇردىم. ادام جەتٸسپەگەندٸكتەن 3 ادام عانا كەزەكشٸلٸكتە جٷرگەنٸمٸز تاعى بار. 18 تامىز كٷنٸ تٷنگٸ كەزەكشٸلٸگٸم ٶتە اۋىر بولدى. جۇمىسىمدى بٸر جۇتىم سۋ ٸشپەي اتقارىپ شىقتىم جەنە بۇعان دەيٸنگٸ باسشىمنىن كٶرسەتكەن مورالدىق قىسىم بار قاتتى شارشاپ, جۇمىستى اياقتادىم. سونداي ەلسٸرەپ كەلە جاتىپ, پويىزدىڭ استىنا قالاي قۇلاپ كەتكەنٸمدٸ بٸلمەدٸم. تەك كەۋدەمدٸ كٶتەرٸپ, شىعا الدىم. وسىدان كەيٸن ٸس قوزعالىپ, تەرگەۋ باستالدى. وبلىستىڭ ەڭبەك ينسپەكتسيياسىنا شاعىمداندىم. كوميسسييا قۇرىلدى. بٸراق كوميسسييا ٶزٸمدٸ كٸنەلٸ قىلىپ شىعاردى. مەنٸڭ بۇنداي كٷيگە قالاي تٷسكەنٸمدٸ تەكسەرمەدٸ. تەكسەرۋگە قاتىستى كٷمەنٸم كٶپ, الداعى ۋاقىتتا سوتقا شاعىمدانامىن. وسى مەسەلەنٸ وبلىستىق پروكۋراتۋرا جان-جاقتى تەكسەرٸپ, ادال شەشٸم شىعارسا ەكەن دەيمٸن. «قازاقستان تەمٸرجولى» ۇك» اق باسشىلىعىنا بۇل سۋيتسيد ەمەس, ٶندٸرٸستٸك جاعداي ەكەنٸن ايتامىن», - دەدٸ گٷلجانات بۇحارباەۆا.
اقتٶبە وبلىستىق ەڭبەك ينسپەكتسيياسى باسقارماسى بۇل بٸر ماماننىڭ ەمەس, كوميسسييا شەشٸمٸ دەپ وتىر. قورىتىندىسى – ٶندٸرٸستٸك جاراقات ەمەس.
«كوميسسييا قۇرامىندا ٷش ادام بار. ولار: ەڭبەك ينسپەكتورى, كەسٸپوداق پەن تەمٸرجول ستانساسىنىڭ باسشىلىعى. گٷلجانات بۇحارباەۆا 7 جىلدان استام ۋاقىت وسى قىزمەتتە ەڭبەك ەتكەن. تاڭەرتەڭ جۇمىستان شىعادى, كەزەكشٸلٸگٸن تاپسىرادى. كەيٸن ٷيٸنە بارۋ ٷشٸن جولدى بەلگٸلەنبەگەن جەرمەن كەسٸپ ٶتٸپ, ارعى بەتكە ٶتەتٸن ەسٸك جابىق تۇرعان سوڭ ستانساعا قايتا ورالادى. قاۋٸپسٸزدٸك ەرەجەسٸن بٸلەتٸن تەمٸرجولشى تاعى دا بەلگٸلەنبەگەن جەرمەن ٶتٸپ, پويىز قوزعالعان كەزدە قۇلاپ قالعان. كوميسسييا قورىتىندىسى بويىنشا بۇل ٶندٸرٸستٸك جاراقات ەمەس. سەبەبٸ ول دەل سول جەردە جۇمىس بەرۋشٸنٸڭ تاپسىرماسىمەن جٷرگەن جوق. نەگٸزٸ كەزەكشٸلٸك قىزمەتتە 7 ادام تٸركەۋدە تۇر. ونىڭ بٸرٸ بالا كٷتٸمٸمەن وتىر, ەكٸنشٸسٸ كەزەكتٸ ەڭبەك دەمالىسىندا. بەس ادام جۇمىس ٸستەپ, اۋىسقان. كەزەكشٸلەردٸڭ جۇمىس كەستەسٸ ساقتالماعانى راس. ەڭبەك كودەكسٸ بويىنشا اۋىسىم مەن دەمالىس اراسى 12 ساعاتتان كەم بولماۋى تيٸس. بۇل تالاپ ساقتالعان», - دەدٸ اقتٶبە وبلىستىق ەڭبەك ينسپەكتسيياسى باسقارماسىنىڭ بٶلٸم باسشىسى تالعات يسكارين.
