اقتٶبەدە ەنشٸ ديماش قۇدايبەرگەنگە ارنالعان مۋزەي كەشەنٸ نەمەسە ونىڭ ەسٸمٸمەن بايلانىستى تۋريستٸك نىسان اشىلا ما? وبلىس ەكٸمٸ وڭداسىن ورازالينگە ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي سۇراق قويىلدى, دەپ حابارلايدى قازاقپارات.
«شىنىمەن دە بٸزدٸڭ قالانىڭ سەۋلەتتٸك كەلبەتٸن ديماش قۇدايبەرگەنوۆپەن بايلانىستىرۋ جوسپارىمىزدا بار. ول – بٷكٸل قازاقستاننىڭ ماقتانىشى. بۇل ادام ٶز تالانتىمەن بٷكٸل ەلدٸڭ, سونىڭ ٸشٸندە بٸزدٸڭ ٶڭٸردٸڭ اتىن شىعارىپ جٷر. بٸراق ونىڭ كوممەرتسييالىق جاعى, ۇيىمداستىرۋ جۇمىستارى بار ەكەنٸن تٷسٸنەتٸن شىعارسىز. قازٸر ونىڭ ٶكٸلدەرٸمەن وسى مەسەلە بويىنشا كەلٸسسٶزدەر جٷرگٸزٸپ جاتىرمىز. شىنىمەن دە, سانيتارلىق-ەپيدەميولوگييالىق شەكتەۋلەر الىنعاننان كەيٸن قالامىزدىڭ تۋريستەرگە ەڭ بٸر تارتىمدى ورنى ديماشپەن بايلانىستى بولعانىن قالايمىز», - دەدٸ وبلىس ەكٸمٸ.
سونداي-اق, ول ديماشتىڭ ەسٸمٸمەن بايلانىستى اباتتاندىرىلاتىن بٸرنەشە ورىن تاڭداپ الىنعانىن اتادى.
«ونىڭ ٸشٸندە ديماشتىڭ ٷيٸ دە بار. بۇل جەردە ەنشٸنٸڭ ٶز قالاۋى مەن ەركٸنە دە كٶپ دٷنيە بايلانىستى. بٸر جاعىنان, سانيتارلىق-ەپيدەميولوگييالىق شەكتەۋلەرگە قاراماستان, وسىمەن ٷشٸنشٸ رەت «باقىتتى بالا» دەگەن ديماشتىڭ اتىمەن بايلانىستى فەستيۆال ٶتكٸزٸپ وتىرمىز. ول فەستيۆالگە ىلعي ٶزٸ قاتىسىپ كەلەدٸ.
ياعني, جوسپار بار. مەنٸڭ ويىمشا, بٸز بەلگٸلٸ بٸر كەلٸسٸمگە كەلگەن سوڭ, بۇل جوسپاردى ٸسكە اسىرامىز», - دەدٸ وڭداسىن ورازالين.
