فوتو: Polisia.kz
اقتٶبە وبلىسىندا بالاسىن ٶلتٸرگەن ەكە ٶمٸر بويىنا باس بوستاندىعىنان ايىرىلدى, دەپ حابارلايدى "ۇلت اقپارات" وبلىستىق سوتتىڭ باسپاسٶز قىزمەتٸنە سٸلتەمە جاساپ.
بٷگٸن اقتٶبە وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قك-تٸڭ 99-بابىنىڭ 3-بٶلٸگٸمەن (جاس بالانى ٶلتٸرۋ) كٶزدەلگەن قىلمىس جاساعان ا.-عا قاتىستى ٷكٸم جارييالاندى.
بىلتىر 23 جەلتوقساندا ازامات ا. ٶزٸنٸڭ سالقىن تيٸپ اۋىرىپ تۇرعان 4 جاسار بالاسى د.-نىڭ مازاسىزدانىپ, جىلاعانىنا اشۋلانىپ, باسى, بەتٸ جەنە ٸشكٸ تۇستارىنان بٸرنەشە رەت ۇرعانى انىقتالدى. بالا ەسٸنەن تانىپ, باس سٷيەگٸ جاراقاتتانىپ, قانسىراۋ سالدارىنان قىلمىس ورنىندا قايتىس بولعان.
كەلەسٸ كٷنٸ بالانىڭ ەكەسٸ اسا اۋىر قىلمىستى جاسىرۋ ماقساتىندا بالاسىنىڭ مەيٸتٸن ايدالاعا كٶمٸپ تاستاعان.
"سوتتالۋشى ٶزٸنە تاعىلعان ايىپ بويىنشا كٸنەسٸن مويىنداماي, بالاسى ويناپ جٷرٸپ جەرگە قۇلاپ, كەيٸن باسىن ورىندىققا ۇرىپ قايتىس بولعانىن, ساسقالاقتاپ, پوليتسيياعا, جەدەل جەردەمگە حابارلاماستان ەكسكاۆاتور جالداپ, تەرەڭدٸگٸ 2 مەتردەن استام شۇڭقىر قازدىرىپ, جاسىرىن جەرلەپ تاستاعانىن, بٸرنەشە كٷننەن سوڭ بالانىڭ جوعالعانى تۋرالى پوليتسيياعا حابارلاعانىن, كەيٸن شىداي الماي جەرلەگەن جەرٸن ٶز ەركٸمەن كٶرسەتكەنٸن ايتتى.
پروكۋرور تاعىلعان ايىپتى تولىقتاي قولداپ, سوتتان ازامات ا.-عا ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇرادى" - دەلٸنگەن حابارلامادا.
سوت باسپاسٶز قىزمەتٸنٸڭ مەلٸمەتٸنشە, جازا تاعايىنداۋ بارىسىندا قىلمىستىق جاۋاپتىلىق پەن جازانى جەڭٸلدەتەتٸن نەمەسە اۋىرلاتاتىن مەن-جايلار انىقتالماعان.
"سوت جاسالعان قىلمىستىڭ سيپاتى مەن اۋىرلىعىن, قوعامعا قاۋٸپتٸلٸگٸن, قىلمىستى جاساۋ مەن-جايلارىن, بالاعا كەلتٸرٸلگەن دەنە جاراقاتتارىنىڭ اۋىرلىعىن ەسكەرە وتىرىپ, ٶمٸر بويىنا باس بوستاندىعىنان ايىرۋ جازاسىن تاعايىندادى.
سوتتا ٸستٸ قاراۋ بارىسىندا انىقتالعان زاڭ تالاپتارىن ەلەۋلٸ بۇزۋشىلىقتار جەنە جاۋاپتى تۇلعالاردىڭ ٶز قىزمەتتٸك مٸندەتتەرٸنە نەمقۇرايلى, سالعىرت قاراۋى سالدارىنىڭ نەتيجەسٸ جاس بالا ٶلٸمٸنە ەكەلٸپ سوقتىرىپ وتىرعاندىقتان, سوتپەن اقتٶبە وبلىسىنىڭ پوليتسييا دەپارتامەنتٸ جەنە وبلىستىق بٸلٸم باسقارماسى اتىنا جەكە قاۋلى شىعارىلدى" - دەلٸنگەن حابارلامادا.
سوت ٷكٸمٸ زاڭدى كٷشٸنە ەنگەن جوق.
