اقتٶبە وبلىسىندا "ورامال داۋىنا" بايلانىستى بالالارى مەكتەپكە بارماي وتىرعان ەكٸ اتا-اناعا 12625 تەڭگەدەن (بەس ايلىق ەسەپتٸك كٶرسەتكٸش نەمەسە اەك) ايىپپۇل سالىندى. ولاردىڭ بالالارى اقتٶبە قالاسىنداعى №8 جەنە №60 مەكتەپتە وقيدى. بۇل تۋرالى اقتٶبە وبلىسىنىڭ بٸلٸم سالاسىنداعى باقىلاۋ دەپارتامەنتٸنٸڭ بٶلٸم باسشىسى جانار مۇحامبەتالينا ايتتى, دەپ حابارلايدى ازاتتىق اگەنتتٸگٸ.
- تاعى ەكٸ اتا-اناعا بەس اەك-كە تەڭ ايىپپۇل سالىندى. ولار ەكٸمشٸلٸك قۇقىق بۇزۋشىلىق كودەكسٸنٸڭ 409-بابىنىڭ 2-تارماعىندا كٶرسەتٸلگەن ("اتا-انالاردىڭ نەمەسە ٶزگە دە زاڭدى ٶكٸلدەردٸڭ بٸلٸم بەرۋ زاڭناماسىندا كٶزدەلگەن مٸندەتتەردٸ ورىنداماۋى نەمەسە تيٸسٸنشە ورىنداماۋى") تالاپتى بۇزدى دەپ ايىپتالىپ وتىر, - دەيدٸ جانار مۇحامبەتالينا.
اقتٶبە وبلىستىق بٸلٸم باسقارماسىنىڭ دەرەگٸنشە, قازٸر وبلىس اۋماعىندا "مەكتەپ فورماسىن بۇزعاندىقتان" ساباققا قاتىسا الماي وتىرعان 10 بالا بار. ولار ەكٸ توقسان بويى ساباققا كەلمەگەن. بٸلٸم دەپارتامەنتٸ بۇل بالالاردىڭ اتا-انالارىمەن تٷرلٸ تٷسٸندٸرۋ جۇمىستارىن بىلتىردان جٷرگٸزٸپ كەلەدٸ.
اقتٶبە وبلىسىنىڭ بٸلٸم سالاسىنداعى باقىلاۋ دەپارتامەنتٸ 2018 جىلى "ورامال داۋىنا" وراي جالپى سانى 33 اتا-اناعا ايىپپۇل سالعان. بيىل بۇل ساناتقا تاعى ەكٸ اتا قوسىلدى. ەكٸمشٸلٸك شارا قولدانىلعانداردىڭ سەگٸزٸ - اقتٶبەدەگٸ №31 مەكتەپتٸڭ اتا-انالارى.
№31 مەكتەپتٸڭ بۇرىنعى ديرەكتورى سەۋلە بايماعامبەتوۆا "ورامال داۋىنان ەبدەن قاجىپ, قىزمەتٸنەن كەتۋگە مەجبٷر بولعانىن" ايتادى. سەۋلە بايماعامبەتوۆا قازٸر ٶزٸ باسقارعان مەكتەپتە فيزيكا پەنٸنەن ساباق بەرٸپ جٷر. بۇل مەكتەپتٸڭ ورامال تارتاتىن التى وقۋشىسى قىركٷيەكتەن بەرٸ مەكتەپكە كەلمەگەن.
بۇعان دەيٸن اقتٶبە قالالىق سوتى ورامال داۋىنا بايلانىستى قالاداعى ونداعان مەكتەپ ديرەكتورىنىڭ ٷستٸنەن اتا-انالار تٷسٸرگەن شاعىمىن قاناعاتتاندىرماعان. اتا-انالار ورامال تارتاتىن قىزدارىن مەكتەپكە كٸرگٸزبەگەن مەكتەپ ديرەكتورىنىڭ ٸس-ەرەكەتٸن زاڭسىز دەپ تانۋدى سۇراعان.
