اقتٶبەدە كٶپقاباتتى ٷيدٸڭ پودەزٸنە ەيەلمەن ٸلەسە كٸرٸپ, ونى ۇرعان كٷدٸكتٸ ۇستالدى, دەپ حابارلايدى "ۇلت اقپارات".
اقتٶبە پوليتسيياسى ەلەۋمەتتٸك جەلٸ ارقىلى تاراپ كەتكەن ۆيدەوداعى كٷدٸكتٸنٸ تاپتى. بەينەماتەريالدان كٶپقاباتتى ٷيدٸڭ پودەزٸنە ەيەلمەن بٸرگە ەرە كٸرگەن ەر ادام بٸردەن ونىڭ مويىنىنا جارماسىپ, جۇدىرىعىمەن ۇرعانىن كٶرۋگە بولادى.
«پوليتسييا قىزمەتكەرلەرٸ پودەزدە ەيەلدٸ ۇرىپ-سوققان كٷدٸكتٸنٸ ۇستادى. وقيعانىڭ مەن جايىن بىلاي بولدى: 26 سەۋٸر كٷنٸ ساعات 16:30-دا بەلگٸسٸز ەر ادام اقتٶبە قالاسىنىڭ 12 شاعىن اۋدانىنداعى كٶپ قاباتتى ٷيلەردٸڭ بٸرٸنٸڭ كٸرەبەرٸسٸندە ەيەلدٸڭ ارتىنان جٷگٸرٸپ كٸرٸپ, جەرگە قۇلاتىپ, بٸر رەت ۇرىپ, قاشىپ كەتكەن. №2 اقتٶبە قالالىق پوليتسييا باسقارماسىنىڭ پوليتسييا قىزمەتكەرلەرٸ جەدەل ٸس-شارالار كەشەنٸن ٶتكٸزدٸ. وسى اۋداندا ورنالاسقان بەينەباقىلاۋ كامەرالارىن قارادى. نەتيجەسٸندە كٷدٸكتٸ ادام انىقتالىپ, ۇستالدى. ول 33 جاستاعى حرومتاۋ اۋدانىنىڭ تۇرعىنى بولىپ شىقتى», - دەدٸ اقتٶبە قالالىق پوليتسييا باسقارماسى باستىعىنىڭ ورىنباسارى تالعات بەردەنوۆ. قازٸر وسى دەرەك بويىنشا قىلمىستىق كودەكستٸڭ «بۇزاقىلىق» بابىمەن ٸس قوزعالىپ, سوتقا دەيٸنگٸ تەرگەۋ جٷرٸپ جاتىر. پوليتسييا قىزمەتكەرلەرٸ كٷدٸكتٸمەن سٶيلەسۋگە مٷمكٸندٸك جاسادى.
«اقتٶبە قالاسىندا ٸنٸممەن بٸرگە پەتەر جالداپ تۇردىم. جٷك تاسۋشى بولىپ جۇمىس تا ٸستەدٸم. ال دەل قازٸر جۇمىسسىزبىن. مەن سول كٷنٸ ٸشٸمدٸكتٸ كٶپ ٸشٸپ, ەسٸمدٸ بٸلمەگەنمٸن. بٸراق كٸنەمدى مويىندايمىن. اپايدى تانىمايمىن. ٶز ٷيٸمنٸڭ پودەزٸنە كٸردٸم دەپ ەسەپتەدٸم», - دەدٸ كٷدٸكتٸ.
ايتا كەتەيٸك, كٷدٸكتٸ بۇعان دەيٸن دە كٶشەدە ٸشٸمدٸك ٸشكەنٸ ٷشٸن ەكٸمشٸلٸك جاۋاپقا تارتىلعان. پوليتسييا دەپارتامەنتٸنٸڭ حابارلاۋىنشا, زارداپ شەككەن ەيەل دەرٸگەرگە قارالىپ, ٷيٸنە جٸبەرٸلگەن.
