اقتٶبە وبلىسى ىرعىز اۋدانىندا اۆتوبۋسپەن بولعان تٶتەنشە جاعدايدان امان قالعاندار اۋرۋحانادان شىعارىلدى. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ ايتتى, - دەپ حابارلايدى Tengrinews.kz تٸلشٸسٸ.
"بٷگٸن ولار اۋرۋحانادان شىعارىلدى. بارلىعىنىڭ جاعدايى قاناعاتتانارلىق", - دەدٸ وبلىستىق دەنساۋلىق ساقتاۋ باسقارماسىنىڭ باسشىسى.
ٶزبەكستاننىڭ ەكٸ ازاماتى مەن وڭتٷستٸك قازاقستانننىڭ ٷش تۇرعىنى 18 قاڭتاردان بەرٸ اۋرۋحانادا جاتقان بولاتىن. ٶزبەكستاندىقتاردىڭ قاشان ٷيلەرٸنە قايتاتىنى جاقىن ارادا بەلگٸلٸ بولادى.
ەسكە سالايىق, وسىعان دەيٸن اقتٶبەدە اۆتوبۋس ٶرتەنٸپ, 52 ادامنىڭ قازا تاپقانى جايلى حابارلانعان بولاتىن. Ikarus ماركالى اۆتوبۋستىڭ 18 قاڭتاردا ساعات 10:30-دا اقتٶبە وبلىسى ىرعىز اۋدانىندا سامارا - شىمكەنت تاسجولىنىڭ 1068 شاقىرىمىندا, قالىباي اۋىلىنان 10 شاقىرىم جەردە ٶرتەنگەنٸ ايتىلعان ەدٸ. اۆتوبۋستىڭ ٸشٸندە 55 جولاۋشى جەنە ەكٸ جٷرگٸزۋشٸ بولعان. ونىڭ بەسەۋٸ اۆتوبۋستان شىعىپ ٷلگەرگەن. كەيٸن وقيعا ورنىندا تٷسٸرٸلگەن ۆيدەو مەن فوتوسۋرەتتەر جارييالاندى.
