اقتٶبە وبلىسىنىڭ حرومتاۋ اۋدانىنداعى تاسساي اۋىلى ماڭىنان ارتيللەرييا سناريادى تابىلىپ, جويىلدى, دەپ حابارلايدى قازاقپارات.
تاسساي اۋىلىنىڭ تۇرعىنى حرومتاۋ اۋدانىنىڭ پوليتسييا بٶلٸمٸنە حابارلاسىپ, جاقىن جەردەن ارتيللەرييا سناريادىنا ۇقساس توت باسقان مەتالل زات تابىلعانىن ايتتى. اۋىل تۇرعىنى ونى ٶزٸنٸڭ ٷيٸنٸڭ اۋلاسىنا سٷيرەپ اپارعان.
«پوليتسييا قىزمەتكەرلەرٸ ارتيللەرييا سناريادىن تەركٸلەپ, جويدى. اتالعان فاكتٸ بويىنشا قىلمىستىق كودەكستٸڭ «قارۋدى, وق-دەرٸلەردٸ زاڭسىز ٶتكٸزۋ, ساقتاۋ, تاسىمالداۋ نەمەسە الىپ جٷرۋ» بابى بويىنشا تەرگەۋ ەرەكەتتەرٸ جٷرگٸزٸلٸپ جاتىر. اقتٶبە وبلىسىنىڭ پوليتسييا دەپارتامەنتٸ تۇرعىندارعا مۇنداي «قىزىقتى» زاتتار ٶتە قاۋٸپتٸ بولۋى مٷمكٸن ەكەنٸن ەسكەرتەدٸ. كٶتەرۋ, تاسىمالداۋ, ولاردى بٶلشەكتەۋگە تىرىسۋعا بولمايدى. تابىلعان زاتتار تۋرالى دەرەۋ پوليتسيياعا حابارلاۋ كەرەك», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
