اقتٶبە وبلىسى العا اۋدانى قارابۇلاق اۋىلىنىڭ ەكٸمٸ كٶز جۇمدى. وقيعانىڭ قالاي بولعانىن وبلىستىق پد باسپاسٶز قىزمەتٸ ايتىپ بەردٸ, دەپ حابارلايدى قازاقپارات اگەنتتٸگٸ.
اقتٶبە وبلىسى العا اۋدانى قارابۇلاق اۋىلىنىڭ ەكٸمٸ ەرنار ماحامبەتوۆتٸڭ قازا بولعانى تۋرالى اۋىل حالقى بٸلەدٸ. اۋىل ەكٸمدٸگٸ دە وقيعانى راستادى. الايدا ەكٸمدٸكتە مەن-جايدى ايتىپ بەرەتٸن مامان جوق ەكەنٸن, ٶزدەرٸ دە ناقتى حابار الا الماعانىن ايتتى.
«سٸزگە اقپارات بەرەتٸن ادام جوق. مۇندا ەكٸ-اق ادام جۇمىس ٸستەيدٸ. بٸرٸ ەكٸم, ەكٸنشٸسٸ مامان. ەكٸمگە قاتىستى اقپاراتتى ەستٸپ وتىرمىز. وقيعانىڭ مەن-جايىن نىقتى بٸلمەيمٸن. جالپى اۋىلدا نەگٸزٸ 500 ادام تۇرادى», - دەدٸ قارابۇلاق اۋىلى ەكٸمدٸگٸنٸڭ ٶكٸلٸ.
ال وبلىستىق دەنساۋلىق ساقتاۋ باسقارماسى ەكٸمنٸڭ پىشاق جاراقاتىن الىپ, كٶپ قان جوعالتقانىن ايتتى.
اۋداندىق اۋرۋحاناعا جەتكٸزگەن كەزدە ونىڭ كٶز جۇمعانى بەلگٸلٸ بولعان.
وبلىستىق پد باسپاسٶز قىزمەتٸنٸڭ حابارلاۋىنشا, وقيعا 12 جەلتوقسان ساعات 00:50-دە بولعان. العا اۋدانى پب 102 نٶمٸرٸنە شارۋا قوجالىقتارىنىڭ بٸرٸندە ادام ٶلٸمٸ تٸركەلگەنٸ تۋرالى حابار تٷسكەن.
«وقيعا ورنىنا جٸبەرٸلگەن جەدەل-تەرگەۋ توبى شارۋا قوجالىعىنىڭ باسشىسى مەن 36 جاستاعى ەر ادام اراسىندا جانجال بولعانىن انىقتاعان. ونىڭ بارىسىندا فەرمەر جەبٸرلەنۋشٸنٸڭ ٸشٸنە پىشاق سالعان. وقيعانىڭ سالدارىنان 36 جاستاعى ەر ادام قايتىس بولدى.
وسى فاكتٸ بويىنشا قر قك 99-بابىنىڭ 1-بٶلٸگٸمەن قىلمىستىق ٸس قوزعالدى. قاجەتتٸ ساراپتامالار تاعايىندالدى, كٷدٸكتٸ قاماۋعا الىندى», - دەپ حابارلادى وبلىستىق پد باسپاسٶز قىزمەتٸ.
ايتا كەتەيٸك, ەرنار ماحامبەتوۆ 1986 جىلى اقتٶبە وبلىسى العا اۋدانى, قارابۇلاق اۋىلىندا دٷنيەگە كەلگەن.
ەڭبەك جولىن 2012 جىلى اقتٶبە وبلىسى مۇعالجار اۋدانى اقكەمەر اۋىلدىق وكرۋگٸنٸڭ جەتەكشٸ مامانى بولىپ باستاعان.
2014 جىلى اقكەمەر اۋىلدىق وكرۋگٸ ەكٸمٸنٸڭ اپپاراتىندا بٶلٸمشە باسشىسى مٸندەتٸن اتقارعان.
2019 جىلدىڭ 2 سەۋٸر ايىنان بەرٸ العا اۋدانى قارابۇلاق اۋىلدىق وكرۋگٸ ەكٸمٸ بولىپ ەڭبەك ەتتٸ.
