25 جەلتوقساندا اقتٶبەدە الاش قايراتكەرلەرٸ بەينەلەنگەن "ازاتتىقتىڭ اق تاڭى" مەموريالدىق كەشەنٸ اشىلدى, - دەپ حابارلايدى Tengrinews.kz اگەنتتٸگٸ قالا ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
كەشەننٸڭ اشىلۋىندا "الاش ۇرانى" گيمنٸ ورىندالىپ, "الاش" پارتيياسىنىڭ تۋى كٶتەرٸلدٸ. شاراعا وبلىس ەكٸمٸ وڭداسىن ورازالين, تەمٸربەك جٷرگەنوۆ پەن ۇزاقباي قۇلىمبەتوۆتٸڭ تۋىستارى, قوعام قايراتكەرلەرٸ مەن ٶڭٸردٸڭ زييالى قاۋىم ٶكٸلدەرٸ قاتىستى.
مەموريالدىق كەشەنگە "الاش" پارتيياسىنىڭ ەليحان بٶكەيحان, احمەت بايتۇرسىنوۆ, مۇستافا شوقاي, حالەل دوسمۇحامەدوۆ, مٸرجاقىپ دۋلاتوۆ, جاحانشى دوسمۇحامەدوۆ, ماعجان جۇماباەۆ, تەلجان شونانوۆ, تەمٸربەك جٷرگەنوۆ, ۇزاقباي قۇلىمبەتوۆ, مۇحامەدجان تىنىشباەۆ سىندى بەلگٸلٸ قايراتكەرلەرٸنٸڭ بارەلەفتٸ بەينەلەرٸ بار.
ەلييا مولداعۇلوۆا مەن تەۋەلسٸزدٸك داڭعىلدارىنىڭ قيىلىسىندا ورنالاسقان رەلەفتٸ كومپوزيتسييانىڭ بيٸكتٸگٸ 5 مەتر, ال ۇزىندىعى 7 مەتر. جوبا اۆتورى - مٷسٸنشٸ جەڭٸس جۇبانقوسوۆ.
"بٷگٸنگٸ ۇرپاق تەۋەلسٸزدٸك ٷشٸن كٷرەسكەن ازاماتتاردى ۇلىقتاپ, ولاردىڭ تاۋقىمەتكە تولى تاعدىرىنان تاعىلىم الۋعا تيٸس. تاريحتان تاعىلىم الماعاندار ٷشٸن قاسىرەت ەردايىم قايتالانادى. بٷگٸنگٸ "ازاتتىقتىڭ اق تاڭى" تاريحي كەشەنٸ تەۋەلسٸزدٸك جولىندا كٷرەسكەن الاش قايراتكەرلەرٸنە, ولاردىڭ مۇراسىنا دەگەن ادالدىعىمىزدى اڭعارتۋ ماقساتىندا اشىلىپ وتىر!", - دەدٸ وڭداسىن ورازالين قۇتتىقتاۋ سٶزٸندە.
شارا سوڭىندا قوناقتار مەموريالدى كەشەنگە گٷل شوقتارىن قويدى.
