اقتٶبە قالاسىندا اقىن ابايعا ەسكەرتكٸش ورناتىلدى, دەپ حابارلايدى "ۇلت اقپارات".
اقتٶبە قالاسىندا «ەدەبيەت. رۋح. قوعام» رەسپۋبليكالىق فورۋمى ٶتتٸ. وعان قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت, اقىن اقۇشتاپ باقتىگەرەەۆا, شقو اباي اۋدانىنىڭ ەكٸمٸ جارقىنبەك بايسابىروۆ قاتىستى.
ەدەبي كەشتەن سوڭ ۇلى ويشىل, قازاقتىڭ باس اقىنى اباي قۇنانبايۇلىنىڭ ەسكەرتكٸشٸ اشىلدى.
«ابايدىڭ ٶلەڭدەرٸ مەن قارا سٶزدەرٸندە ۇلت بولمىسى, بٸتٸمٸ, تۇرمىسى, تٸرشٸلٸگٸ, دٷنيەتانىمى, رۋحى كٶرٸنٸس تاۋىپ كەلەدٸ. بيىلعى مەرەيتوي ەلگە وي سالاتىن, تاعىلىمى مول ناقتى شارالارمەن جالعاسۋدا. ەلەمگە تانىمال باس اقىنىمىزدىڭ ەڭبەگٸن حالىق بولىپ ۇلىقتاۋ مەملەكەتٸمٸزدٸڭ مەرەيٸن ارتتىرادى. ۇلى ويشىلدىڭ اسىل مۇراسىن ارداقتاۋ جەنە جان-جاقتى دەرٸپتەۋ – بارشامىزدىڭ مٸندەتٸمٸز. ول ٷشٸن بٷگٸنگٸ بۋىن اباي مۇراسىنان نەر الىپ, رۋحاني كەمەلدەنۋٸ قاجەت. بۇل ٷردٸس اباي جىلىنان كەيٸن دە جالعاسىن تاباتىن بولادى» - دەدٸ وبلىس ەكٸمٸ وڭداسىن ورازالين.
ەسكەرتكٸشتٸڭ اشىلۋ سالتاناتىندا قازاقستان جازۋشىلار وداعىنىڭ تٶراعاسى ۇ.ەسدەۋلەت, اقىن ا.باقتىگەرەەۆا قۇتتىقتاۋ سٶز سٶيلەپ, قر مەدەنيەت جەنە سپورت مينيسترٸنٸڭ كەڭەسشٸسٸ ە.جۇرىنباەۆ مينيستردٸڭ ارنايى قۇتتىقتاۋ سٶزٸن جەتكٸزدٸ. شقو اباي اۋدانىنىڭ ەكٸمٸ ج.بايسابىروۆ ۇلى اقىنعا قۇرمەت كٶرسەتٸپ جاتقان اقتٶبەلٸك اعايىنعا ٶز العىسىن بٸلدٸردٸ.
«ۇلى اباي بٸزدٸڭ ۇلتىمىزدىڭ ۇلى ۇستازى, اداستىرماس اقىلشىسى, اسپاندا جارقىراعان تەمٸرقازىق جۇلدىزى. ونىڭ شىعارمالارى بٸزدٸڭ ۇلتتىق يدەولوگييامىزدىڭ قۇرامداس بٶلٸگٸنە اينالدى. بيىل قازاقستان جەنە تٷركٸ حالىقتارى ٷشٸن اباي جىلى بولدى. سونىمەن بٸرگە جازۋشىلار وداعىنىڭ ۇسىنىسىمەن اباي كٷنٸ بەكٸتٸلدٸ. اباي جىلدارى قيىن-قىستاۋ كەزدە حالىقتى امان الىپ شىقتى. تەۋەلسٸزدٸك تۇسىندا دا ٶز باعىت-باعدارىن ابايعا قاراپ ايقىندادى», - دەدٸ ۇ.ەسدەۋلەت.
اتاپ ٶتەيٸك, ەسكەرتكٸش اقتٶبە قالاسىنداعى اباي داڭعىلى مەن ەسەت باتىر كٶشەسٸنٸڭ قيىلىسىندا ورنالاسقان. ەسكەرتكٸشتٸڭ اۆتورلارى - قازاقستان رەسپۋبليكاسىنىڭ مەدەنيەت قايراتكەرٸ, بەلگٸلٸ مٷسٸنشٸ, قازاقستان سۋرەتشٸلەر وداعىنىڭ مٷشەسٸ توقتار ەرمەكوۆ جەنە قالامىزداعى ەيتەكە بي, جالاڭتٶس باھادٷر, بٶكەنباي باتىر, ەلييا سىندى تاريحي ەسكەرتكٸشتەرٸنٸڭ اۆتورى جەڭٸس جۇبانقوسوۆ.
ەسكەرتكٸش ەكاتەرينبۋرگ قالاسىندا جاسالىنعان. ەسكەرتكٸشتٸڭ جالپى بيٸكتٸگٸ - 6,20 مەتر. بۇعان دەيٸن اقتٶبەدە اباي ەسكەرتكٸشٸ بولماعان.
«ەسكەرتكٸشٸ كەشٸگٸپ بولسا دا اشىلدى. بٸر جاعىنان قۋانامىز, ٶكٸنٸش تە بار. دانىشپانى, ويشىلى جوق ۇلتتىڭ رۋحى تٶمەن بولادى. ەگەمەندٸككە راقمەت. اتا-بابا ارمانداعان ۋاقىت كەلدٸ. سول ەگەمەندٸكتٸڭ ارقاسىندا بٷگٸن بٸز بابامىزعا ەسكەرتكٸش قويىپ, ٶز انا تٸلٸمٸزدە بٸر-بٸرٸمٸزدٸ قۇتتىقتاپ جاتىرمىز. بٷگٸن بٸز ابايعا ەمەس, ٶزٸمٸزگە ەمەس, بٸر بولاشاققا جۇمىس ٸستەدٸك. نەمەرە مەن شٶبەرە وسى جەردەن ٶتكەندە «دانىشپانى بار ۇلتتىڭ بالاسىمەن» دەپ ٶسسٸن», - دەدٸ ا.باقتىگەرەەۆا.
